Daniyel 9:5 - Fulfulde DC Bible

⁵ Min mbaɗi hakke, min mbaɗi aybe, min mbaɗi halleende, min tuurtani ma, min acci laawol umrooje e kiitaaji ma.

Fulfulde Bible

⁵ Min mbaɗi hakke, min mbaɗi aybe, min mbaɗi halleende, min tuurtani ma, min acci laawol umrooje e kiitaaji ma.

Daniyel 9:5 Iomraidhean Croise

2 Laamiiɓe 18:12

Ɗum waɗi non ngam Isra'iila'en cali nanango Jawmiraawo Allah maɓɓe nder ko o umrino ɓe, ɓe kakkilanaay alkawal maako. Ɓe ɗowtaay e ɓe kuuwaay fodde umrooje ɗe Muusa jaggiiɗo Jawmiraawo anndinno ɓe.

2 Laamiiɓe 21:15

Mi waɗan ɗum ngam ɓe mbaɗi kalluɗum yeeso am, ngam ɓe tikkini yam tum, diga nyalaade nde kaakiraaɓe maɓɓe ngurti Misra haa wargo hannde.”

Esira 9:6

mi wi'i: “Yaa Allah am, mi ɗon semta tijjaago heedi ma! zunuubaaji amin towti dow ko'e amin, aybeeji amin njotti asama.

Jabuura 106:6

Min mbaɗi hakke bana kaakiraaɓe amin, min mbaɗi ko halli, min aybuɓe.

Jabuura 119:102

Mi selaay laawol kiitaaji ma, ngam an ekkitini yam.

Jabuura 119:176

Mi ɗon yiilo bana mbaalu majjuŋgu. Ɗaɓɓitit maccuɗo ma, ngam mi yejjitaay umrooje ma.

Jabuura 18:21

Jawmiraawo warji yam fodde adilaaku am, o woonani yam ngam o anndi kuuɗe am ɗe laaɓɗe.

Esaaya 53:6

Enen fuu en majjino bana baali, koo moy tokkuno laawol muuɗum. Ammaa Jawmiraawo yowi aybe meeɗen fuu dow maako.

Esaaya 59:13

Min tuurtani ma, min zammbi ma, min acci tokkaago ma. Min mbolwi haala toonyaare e tuurtol. Ɓerɗe amin numi pewe, kunnduɗe amin mbolwi ɗe.

Esaaya 64:4

Seyortooɓe waɗugo adilaaku ma, siftoranɓe laabi ma, a fotti bee maɓɓe. A tikkani min ngam min mbaɗi hakke. Dow laabi ɗi'i boo, min kisan na?

Yeremiya 14:20

Yaa Jawmiraawo, min anndi halleende amin e aybe kaakiraaɓe amin, min mbaɗi hakke dow maaɗa.

Yeremiya 14:7

Yeremiya wi'i: “Hakkeeji amin ɗon ngullo min, yaa Jawmiraawo, ammaa wallu min ngam daliila innde maaɗa. Nde ɗuuɗɗum, min tuurtani ma, min mbaɗi hakkeeji dow maaɗa!

Yeremiya 3:25

Sey min mbaalo min semtuɓe, toskaare amin sudda min, ngam min mbaɗi hakke dow maaɗa, yaa Jawmiraawo Allah amin, minin e kaakiraaɓe amin, diga nderkaaku amin haa wargo hannde, min ɗowtanaaki Jawmiraawo Allah amin.”

Yeremiya 30:14

Waaye'en ma fuu ngejjiti ma, acci suklanaago ma. Mi fiyi ma bana konneejo fiyrata, mi ɓocci ma naawɗum masin, ngam halleende ma mawni, hakkeeji ma ɗuuɗi.

Yeremiya 44:3

Mi waɗi ɗum ngam yimɓe maaji kuuwi kuuɗe kalluɗe, tikkini yam. Ɓe ngulani ɗowanteeɓe woɗɓe uurle, ɓe ndewi ɓe, ɓe anndaano ɓe boo, koo kamɓe, koo onon, koo kaakiraaɓe mon.

Gimi Boyki 1:18

Ammaa Jawmiraawo o adiliijo, koo to mi tuurtani umrooje maako. Naneeɗam, onon ummaatooje fuu, ndaare bone am. Faanyɓe rewɓe am e suka'en am ndahaama.

Gimi Boyki 1:20

Yaa Jawmiraawo, laar ɓillaare am, teteki am ɗon ngula, ɓernde am ta'i ngam daliila tuurtol am. Kaafahi mbari ɓikkoy am haa yaasi, waade nasti cuuɗi fuu.

Gimi Boyki 3:42

“Min mbaɗi hakke, min tuurti, an boo a yaafanaaki min.

Ezekiyel 5:6

Ammaa ngol tuurtani kiitaaji am e farillaaji am bee halleende ɓurnde nde ummaatooje e lesɗe taariiɗe ngol. Ngam yimɓe maagol ngudini kiitaaji am, ɓe ngeeɗaay fodde farillaaji am.

Ezekiyel 6:9

To ɓe dahaama, ɓe ciftortam. Ngam maajum mi naawnan ɓerɗe maɓɓe daliila daakaareeku maɓɓe ngam ɓe ngayliti ɓe acci yam. Mi ɗelminan gite maɓɓe accuɗe tijjugo yam ngam tokkaago labbi. Nden kam ɓe nganyan halleende maɓɓe e kuuɗe maɓɓe nyidduɗe fuu.

Daniyel 9:11

Isra'iila'en fuu ƴaɓɓi tawreeta ma, cali ɗowtanaago bolle ma. Min mbaɗi hakke dow maaɗa, ngam maajum naalooje e kunayeeje binndaaɗe nder tawreeta jaggiiɗo ma Muusa fuu ukkani min.

Daniyel 9:15

Yaa Jawmiraawo Allah amin, a wurtini ummaatoore ma lesdi Misra bee baawɗe ma mawɗe. Haa hannde fuu a waɗani innde ma tedduŋgal maŋngal. Gooŋga, min mbaɗi hakke, min mbaɗi kalluɗum.

Daniyel 9:9

An Jawmiraawo Allah, a mari hinnuye e yaafuye koo to minin min tuurtani ma.

Hose'a 1:2

Ndaa nii Jawmiraawo fuɗɗi wolwugo bee hunnduko Hose'a: O wi'i Hose'a: “Yah, te'u debbo daakaareejo, danydu ɓiɓɓe daakaareeku bee maako, ngam yimɓe lesdi am ɗon mbaɗa daakaareeku bee labbi, ɓe acci yam min Jawmiraawo.”

Malakiya 3:7

Diga saa'i kaakiraaɓe mon on celi laawol farillaaji am, on ɗowtanaaki ɗi. Lorte haa am! Nden kam mi loroto haa mooɗon.” Non Jawmiraawo honooɓe asama wi'i. “Ammaa on ɗon mbi'a: Noy min lortorto?

Ibraniŋke'en 3:12

Deerɗiraaɓe am, kakkile, taa ɓernde koo moy mooɗon halla, taa o laato sooya nuɗɗinkiijo haa o waylito, o acca Allah geeto.