Daniyel 9:24 - Fulfulde DC Bible

²⁴ Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Fulfulde Bible

²⁴ Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Daniyel 9:24 Iomraidhean Croise

2 Habaruuji Nyalaaɗe 29:24

Nden liman'en kirsi ɗi, lii'i ɗi bee ƴiiƴam maaji haa hirsirde ngam ittuki hakkeeji Isra'iila fuu. Ngam laamiiɗo umruno ɓe lii'o guleteeɗi e kirseteeɗi man ngam daliila yimɓe Isra'iila fuu.

Jabuura 2:6

“Min mi laamini laamiiɗo am dow Siyona, hooseere am seniinde.”

Jabuura 45:7

Leeso laamu maaɗa yaa Allah, duumoto haa foroy, a laamoto nder laamu ma bee kiita ndarnuka.

Esaaya 42:4

Kaŋko o tampataa, o tiinoto haa to o tabitini kiita ngooŋɗuka nder duniyaaru. Duuɗe ɗon ndeena ekkitinol maako.”

Esaaya 51:6

Tijje asama, ndaare lesdi haa les. Ngam asamanji caakoto bana cuurɗe, lesdi hiiɗan bana limce, jooɗiiɓe haa maari maayan bana buubi. Ammaa kisndam am duumoto haa foroy, adilaaku am ɗon tabiti tum.

Esaaya 51:8

Ngam gilɗi nyaaman ɓe bana limce, somre nyaaman ɓe bana gaasa baali. Ammaa adilaaku am duumoto haa foroy, kisndam am tabitan diga yidere haa yidere.”

Esaaya 56:1

Ndaa nii Jawmiraawo wi'i: “Kakkilane kiita ngooŋɗuka, mbaɗe kuuɗe adiliije. Ngam kisndam am ɓadake yottaago, adilaaku am ɓadake waŋgugo.

Esaaya 61:1

Ruuhu Jawmiraawo Allah ɗon dow am. Ngam Jawmiraawo moyti yam, neli yam haa mi waazina laafuɓe habaru seyo, mi nyawnda ta'a-ɓerɗe'en, haa mi wooynana haɓɓaaɓe ndimu, jooɗiiɓe nder kaɓɓirgal boo dimɗinki.

Gimi Boyki 4:22

Onon yimɓe Siyona, kiita mon timmi, Jawmiraawo meetataa dahugo on. Ammaa onon Edoomi'en, o ɗaɓɓitan aybeeji mon, o waŋginan ɗi.

Ezekiyel 28:12

“Ɓii-Aadama, waɗ gimol ngam woyugo laamiiɗo Tirus! Yeccu mo: Ndaa nii Allah Jawmiraawo wi'i: Naane ɓe mbaari ma misaalu huunde timmunde. Yaake man a keewɗo anndal, a ŋarniiɗo timmuɗo.

Ezekiyel 4:5

Mi yowani ma nyalɗe deydey limgal duuɓi aybe maɓɓe, ngam maajum a roondoto aybe maɓɓe nyalɗe teemeɗɗe tati e cappanɗe joweenayi (390).

Ezekiyel 4:6

To a timmini nyalɗe ɗe'e, waala fahin dow wuttudu ma nyaamru. A roondoto aybe yimɓe Yahuuda nyalɗe cappanɗe nayi (40), ngam mi yowani ma nyalaade woore haa nduuɓu fuu.

Farillaaji Lewi'en 25:8

“Lime duuɓi joweeɗiɗi nde joweeɗiɗi, waato duuɓi cappanɗe nayi e joweenayi.

Farillaaji Lewi'en 8:15

Muusa hirsi ndi, hoo'i ƴiiƴam maari seɗɗa, wuji ɗam bee hoondu mum haa luwe hirsirde, ngam senugo nde. O rufi ƴiiƴam luttuɗam haa les hirsirde. Bana non o laɓɓiniri nde, o seni nde.

Zekariya 4:14

Nden o wi'i yam kadi: “Kanje ngoni yimɓe ɗiɗo, moytaaɓe hoore bee nebbam ngam huuwango Jawmu duniyaaru fuu.”

Limle 14:34

On kori lesdi ndi'i nyalɗe cappanɗe nayi. On ndoondoto kiita aybeeji mon duuɓi cappanɗe nayi, waato nduuɓu ngootu ngam nyalaade woore. Nden on anndan ko waɗata to mi waylitake, mi acci on.

Matta 1:21

O tammi danyugo ɓiɗɗo gorko, a inndan mo Yeesu, ngam kaŋko hisnata ummaatoore maako diga hakkeeji maare.”

Matta 11:13

Tawreeta Muusa e annabi'en fuu mbaɗi annabaaku dow laamu asamanji haa yotti saa'i Yuhanna.

Matta 4:5

Nden Iblisa yahri mo haa berniwol ceniiŋgol, jo'ini mo dow yeereere haykaliiru,

Markus 1:24

O wi'i: “An Yeesu Nasaratuujo, ko yaalu ma bee amin? A wari ngam halkugo min na? Mi anndi fakat, a Ceniiɗo nelaaɗo Allah.”

Luka 1:35

Malaa'ikaajo wi'i mo: “Ruuhu Ceniiɗo waran dow maaɗa, baawɗe Allah Ɓaŋiiɗo suddete bana ɗowdi. Ngam maajum ɓiɗɗo mo a tammi danyugo, laatoto Ceniiɗo e ɓe ewnoto mo Ɓiɗɗo Allah.

Luka 21:22

Ngam ɗum laatoto nyalɗe baatol ngam hiɓɓingo ko winnda fuu.

Yuhanna 1:41

Andire tawi deerɗum Simon aran, wi'i mo: “Min tawi Almasiihu.” Almasiihu yiɗi wi'go moytaaɗo.

Yuhanna 3:34

Ngam mo Allah neli ɗon wolwa haala Allah, ngam Allah ɗon hebbina mo bee Ruuhu muuɗum bilaa keerol.

Kuuɗe Nelaaɓe 3:14

On ngudini Ceniiɗo, Adiliijo, on tori Pilaatu o yoofana on mbaroowo ko'e.

Kuuɗe Nelaaɓe 3:22

Muusa wi'i: Allah, Jawmiraawo mooɗon umminanan on annabiijo bana am nder deerɗiraaɓe mooɗon. Sey on nana ko o wi'ata on fuu.

Kuuɗe Nelaaɓe 4:26

Laamiiɓe duniyaaru ɗon taaski waɗugo fitina, ardiiɓe boo ɗon kaɓɓa dabare dow Jawmiraawo e dow Almasiihu mum.

Roma'en 5:10

Saa'i en konne'en Allah no, en keɓi sulhotiral hakkunde meeɗen bee maako barka maayde Ɓiɗɗo maako. Sakkomaa jonta, ɓaawo sulhotiral nga'al, fakat en keɓan kisndam barka ngeendam Ɓiɗɗo oo.

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

Filippi'en 3:9

mi hawta bee maako mi mara adilaaku ngu iwaay haa ɗowtaare am heedi tawreeta, ammaa haa Allah mo tabitini ɗum dow nuɗɗinki nder Almasiihu.

Kolossi'en 1:20

haa o sulhindira tagefooji dow lesdi e haa asama bee maako ɓaawo tabitinki salaaman bee ƴiiƴam Ɓiɗɗo maako ndufaaɗam dow leggal gaafaaŋgal.

Kolossi'en 2:14

O seeki ɗereewol nyamaande meeɗen ɗuuɗnde, aybinanŋgol en bee umrooje maagol. O nattini ngol bee tiggugo ngol haa gaafaaŋgal.

Ibraniŋke'en 10:14

Ngam o lii'i ɓanndu maako nde woore, o timmidini laɓɓingo yimɓe ɓe o seni haa foroy.

Ibraniŋke'en 2:17

Ngam maajum doole o nannda kal-kal bee deerɗiraaɓe maako nder kuuje fuu, ngam haa o laato hooreejo liman'en marɗo enɗam, koolaaɗo nder njaggu Allah, haa yimɓe ummaatoore keɓa yaafuye hakkeeji muuɗum'en.

Ibraniŋke'en 7:26

Yeesu woni hooreejo liman'en mo haandani en. O ceniiɗo, o walaa aybe koo seɗɗa, o laaɓɗo, o senndaama bee hakke'en, o ɓaŋgtaama dow asamanji.

Ibraniŋke'en 9:26

To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

1 Yuhanna 3:8

Baɗoowo hakke fuu laatake mo Iblisa, ngam diga fuɗɗam, Iblisa ɗon waɗa hakke. Ngam man Ɓiɗɗo Allah wari ngam nattingo kuuɗe Iblisa.

Wahayu Yuhanna 14:6

Nden mi yi'i malaa'ikaajo feere ɗon fiira nder hawa, o woodi Kubaruwol Ceynoowol duumiiŋgol, ngam waazingo jooɗiiɓe haa duniyaaru, haa yimɓe jama'aaje e asli e ɗemɗe e ummaatooje fuu.

Wahayu Yuhanna 3:7

“Winndan malaa'ikaajo jama'aare nuɗɗinɓe haa Filadelfiya ni'i: Ndaa koŋngol iwŋgol haa Ceniiɗo, gooŋgaajo, jogiiɗo maɓɓitirɗum Daawuda, to o maɓɓiti, walaa mo maɓɓata, to o maɓɓi boo, walaa mo maɓɓititta.