Daniyel 9:2 - Fulfulde DC Bible

² min Daniyel, saa'i man mi faami nder defte ceniiɗe no Urusaliima laatorto bille duuɓi cappanɗe joweeɗiɗi bana no Jawmiraawo wolwanino annabi Yeremiya.

Fulfulde Bible

² min Daniyel, saa'i man mi faami nder defte ceniiɗe no Urusaliima laatorto bille duuɓi cappanɗe joweeɗiɗi bana no Jawmiraawo wolwanino annabi Yeremiya.

Daniyel 9:2 Iomraidhean Croise

2 Habaruuji Nyalaaɗe 36:21

Bana nii Jawmiraawo hebbitiniri ko o wi'no bee hunnduko Yeremiya: “Lesdi ferwan, siwtoto duuɓi cappanɗe joweeɗiɗi, haa to ndi safti kitaale siwtaare ɗe'e.”

Esira 1:1

Nder nduuɓu Koores, laamiiɗo Persiya, aranu, Jawmiraawo anniyi hebbitingo wolde muuɗum nde o wi'no bee hunnduko annabi Yeremiya, o ummini ɓernde Koores haa o neldi wooynaandu nder laamu maako, bee hunnduko e binndol fuu, wi'ugo:

Jabuura 119:24

Seedamkuuji ma laatake welwelo am, kanji carwoto yam.

Esaaya 64:10

Suudu amin seniindu, wooɗndu haa kaakiraaɓe amin maŋgtuno ma nder maaru, yiite wuli ndu. Ko min ngiɗno fuu natti.

Yeremiya 1:1

Ndaa bolle Yeremiya ɓii Hilkiyya, gooto caka liman'en Anatot nder lesdi Benyamin.

Yeremiya 25:18

Mi yarni ngel Urusaliima e gure lesdi Yahuuda fuu, laamiiɓe e mawɓe maari, haa konne'en mbila lesdi, haa ndi laato kulniindi e njawniindi, yimɓe naaliran bee innde maari – bana ko laati hannde.

Yeremiya 26:18

“Nder zamanu laamiiɗo Hezekiya, Mika mo Moraset waɗani yimɓe Yahuuda fuu annabaaku, yecci ɓe: Ndaa nii Jawmiraawo honooɓe asama wi'i: Konne'en ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Yeremiya 26:6

To on ɗowtanaaki yam, nden kam mi waɗan nokkuure nde'e bana mbaarumi Silo. Ummaatooje duniyaaru fuu naaliran bee innde berniwol ngo'ol.”

Yeremiya 27:7

Ummaatooje fuu njagganto mo. Ɗe njagganto ɓiɗɗo maako e taaniraawo maako boo, sey to saa'i wari haa ummaatooje ɗuuɗɗe e laamiiɓe marɓe baawɗe ɗowtina ummaatoore maako, kayre boo.

Yeremiya 29:10

Ndaa nii Jawmiraawo wi'i: “To Baabila waɗi duuɓi cappanɗe joweeɗiɗi, mi yaalan on fahin. Nden mi hebbitinan wolde am woonde haa mi hoora on haa lesdi mon.

Yeremiya 7:34

Lesdi laatoto ladde meere, mi je'inan gimi seyo e hoolo welwelo e daande ɓaŋɗo e daande ɓaŋgeteeɗo nder gure Yahuuda, non boo dow laabi Urusaliima.”

Gimi Boyki 1:1

Kayto! Berniwol Urusaliima yeewaama, naane ngol heewi yimɓe! Naane ummaatooje teddini ngol, jonta ngol laati bana debbo jurumɗo. Ngol laamanino lesɗe, jonta ngol nasti njeyaaŋgu.

Ezekiyel 29:11

Walaa neɗɗo, walaa ndabba yahata ton, walaa jooɗotooɗo ton duuɓi cappanɗe nayi.

Daniyel 9:3

Mi ɓaditi Jawmiraawo Allah nder do'aare e tornde e suumaye, mi jooɗi nder ndoondi e mi ɓorni limce buhuuje.

Mika 3:12

Ngam maajum, daliila mooɗon ɓe ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Zekariya 1:12

Nden malaa'ikaajo Jawmiraawo wi'i: “Yaa Jawmiraawo honooɓe asama, ndey enɗata Urusaliima e gure Yahuuda? A tikkani ɗe duuɓi cappanɗe joweeɗiɗi jonta.”

Zekariya 7:5

“Yeccu yimɓe lesdi e liman'en fuu: Saa'i on cuumi, on mboyi nder lewru jowaɓru e nder lewru joweeɗiɗaɓru, duuɓi cappanɗe joweeɗiɗi, bee gooŋga cuumɗon ngam am na?

Matta 24:15

“To on ngi'i nyidduɗum nattinoojum ko annabi Daniyel wolwino dow muuɗum ɗon dari haa nokkuure seniinde - mo jaŋngi ɗum, sey faama booɗɗum!

Markus 13:14

Yeesu wi'i boo: “On ngi'an ko wi'ete nyidduɗum nattinoojum ɗon dari haa pellel ngel haanaay ɗum daro. Mo jaŋngi ɗum, sey faama booɗɗum! Nden kam sey wonɓe lesdi Yahudiya ndogga haa kooseeje.

Kuuɗe Nelaaɓe 8:34

Etiyopiyaajo wi'i Filip: “Useni, yeccam, dow moy annabiijo wolwi ɗum? Dow hoore maako naa malla dow goɗɗo?”

1 Timote 4:13

Suklana jaŋngango ɓe defte ceniiɗe, wasa ɓe, ekkitin ɓe, haa to mi wari.

Wahayu Yuhanna 1:3

Barka laatanto jaŋnganɗo deftere nde'e e nananɓe bolle annabaaku ngu'u, tokkiiɓe ko winnda nder maare! Ngam wakkatiire nde kuuje ɗe'e laatoto ɓadake wargo.