Daniyel 9:15 - Fulfulde DC Bible

¹⁵ Yaa Jawmiraawo Allah amin, a wurtini ummaatoore ma lesdi Misra bee baawɗe ma mawɗe. Haa hannde fuu a waɗani innde ma tedduŋgal maŋngal. Gooŋga, min mbaɗi hakke, min mbaɗi kalluɗum.

Fulfulde Bible

¹⁵ Yaa Jawmiraawo Allah amin, a wurtini ummaatoore ma lesdi Misra bee baawɗe ma mawɗe. Haa hannde fuu a waɗani innde ma tedduŋgal maŋngal. Gooŋga, min mbaɗi hakke, min mbaɗi kalluɗum.

Daniyel 9:15 Iomraidhean Croise

1 Laamiiɓe 8:51

Ngam ɓe ummaatoore ma e maral ma. A wurtini ɓe Misra diga boneeji naawɗi.

2 Laamiiɓe 21:15

Mi waɗan ɗum ngam ɓe mbaɗi kalluɗum yeeso am, ngam ɓe tikkini yam tum, diga nyalaade nde kaakiraaɓe maɓɓe ngurti Misra haa wargo hannde.”

2 Habaruuji Nyalaaɗe 6:37

nden, to haa lesdi ndi ɓe laati maccuɓe, ɓe numti, ɓe puɗɗi toraago ma bee wi'go: Min mbaɗi sooynde ɗowtaare, min mbaɗi hakke, min aybuɓe!

Nehemiya 1:10

Ɓe maccuɓe ma e ummaatoore ma. A sootti ɓe bee baawɗe ma mawɗe e juŋngo ma semmbiɗŋgo.

Nehemiya 1:6

Useni, laar, heɗita, jaɓ tornde maccuɗo ma nde mi toroto ma hannde jemma e naaŋge ngam Isra'iila'en maccuɓe ma. Mi ɗon waŋgina hakkeeji Isra'iila'en yeeso ma. Min mbaɗi hakke dow maaɗa, min bee hoore am e yimɓe saare baaba am boo.

Nehemiya 9:10

A waɗi alaamaaji e kaayeefiiji dow Firawna e sukaaɓe muuɗum fuu e ummaatoore lesdi muuɗum fuu, ngam a yi'i no ɓe mawnitori dow kaakiraaɓe amin. A waɗani hoore ma innde mawnde, bana ko laati hannde.

Jabuura 106:8

Ammaa Jawmiraawo walli ɓe, ngam daliila innde muuɗum, ngam waŋgingo baawɗe muuɗum.

Gurtaaki 13:14

To ɓiɓɓe mooɗon nder garanɗum ƴami on: Ngam ɗume mbaɗoton ɗum? On njaaba ɓe: Bee juŋngo semmbiɗŋgo Jawmiraawo wurtiniri en njeyaaŋgu haa Misra haa en ngonno nder maccuŋgaaku.

Gurtaaki 13:16

Ɗum laatano on bana alaama haa juuɗe mon e ciftinorɗum haa tiiɗe mon. Ngam Jawmiraawo wurtini en Misra bee juŋngo mum semmbiɗŋgo.”

Gurtaaki 13:3

Muusa wi'i yimɓe ummaatoore: “Ciftore nyalaade nde ngurtiiɗon njeyaaŋgu haa Misra, Jawmiraawo wurtini on bee juŋngo semmbiɗŋgo. To on ɗon mbaɗa juulde nde'e, taa on nyaama tamseeje ufnaaɗe.

Gurtaaki 13:9

Ɗum laatano on bana alaama ciftinorɗum haa juuɗe malla haa tiiɗe mooɗon. Ngam haa on ciftora farilla Jawmiraawo, on ngooyna ka, ngam kaŋko wurtini on lesdi Misra bee juŋngo mum semmbiɗŋgo.

Gurtaaki 14:18

To mi waŋgini tedduŋgal am haa Firawna e haa mootaaji pucci mum e wa'iiɓe pucci mum, Misra'en anndan min woni Jawmiraawo.”

Gurtaaki 32:11

Muusa tori Jawmiraawo Allah mum: “Yaa Jawmiraawo, ngam ɗume tikkere ma saatata dow yimɓe ma ɓe ngurtinɗa lesdi Misra bee baawɗe mawɗe e juŋngo semmbiɗŋgo?

Gurtaaki 6:1

Jawmiraawo jaabi Muusa: “Jonta a yi'an ko mi waɗata Firawna! Mi doolan mo bee juŋngo am semmbiɗŋgo, o yooftan Isra'iila'en, fakat mi doolan mo riiwugo ɓe diga lesdi maako.”

Gurtaaki 6:6

Ngam maajum yeccu Isra'iila'en ni'i: Min woni Jawmiraawo, Mi hisnan on diga ɓillaare kuugal Misra'en caatuŋgal, mi wurtinan on maccuŋgaaku maɓɓe, mi rimɗinan on bee juŋngo am fortaaŋgo e kiitaaji am mawɗi.

Gurtaaki 9:16

Ammaa mi acci ma a yeeɗa ngam mi waŋginane baawɗe am, ngam wooynugo innde am nder duniyaaru fuu.

Esaaya 55:13

Leɗɗe booɗɗe mawnan haa nokkuure gi'e, haa pellel giŋngille boo irin asuraaje. Ɗum laatanto yam daraja e alaama nduumiika, ɗum ittataake sam.”

Esaaya 64:4

Seyortooɓe waɗugo adilaaku ma, siftoranɓe laabi ma, a fotti bee maɓɓe. A tikkani min ngam min mbaɗi hakke. Dow laabi ɗi'i boo, min kisan na?

Yeremiya 14:20

Yaa Jawmiraawo, min anndi halleende amin e aybe kaakiraaɓe amin, min mbaɗi hakke dow maaɗa.

Yeremiya 32:10

Mi winndi ɗereewol coggu, mi maɓɓi ngol, mi waɗani ngol lammba, mi seedni ngol seedooɓe, mi awni ceede man dow awnorɗum.

Gimi Boyki 3:42

“Min mbaɗi hakke, min tuurti, an boo a yaafanaaki min.

Ezekiyel 5:6

Ammaa ngol tuurtani kiitaaji am e farillaaji am bee halleende ɓurnde nde ummaatooje e lesɗe taariiɗe ngol. Ngam yimɓe maagol ngudini kiitaaji am, ɓe ngeeɗaay fodde farillaaji am.

Daniyel 9:5

Min mbaɗi hakke, min mbaɗi aybe, min mbaɗi halleende, min tuurtani ma, min acci laawol umrooje e kiitaaji ma.

Luka 15:21

Ɓiɗɗo go wi'i mo: Baaba am, mi waɗi hakke heedi Allah e heedi maaɗa, mi he'aay ewneego ɓiya fahin.

Luka 18:13

Jomnoowo dari daayiiɗum, o numaay koo ɓaŋgtugo gite haa asama, ammaa o fiyi wiɓɓere maako, o wi'i: Yaa Allah am, yurminam, min mi hakkeejo!

2 Korintu'en 1:10

Kaŋko hisni min joote maayde irin nde'e, o hisnan min fahin. Min ɗon tammoro mo o hisnan min yeeso fahin.

Tooktaaki Tawreeta 5:15

Siftor an boo a laatino maccuɗo nder lesdi Misra. E min Jawmiraawo, Allah maaɗa mi wurtini ma ton bee juŋngo am semmbiɗŋgo fortaaŋgo. Ngam man min Jawmiraawo, Allah maaɗa mi umri ma a siwto nyalaade siwtorde.