Daniyel 7:7 - Fulfulde DC Bible

⁷ Ɓaawo man ngi'mi nder wahayuuji am jemma ndabbaawa nayaɓa, kulniiŋga e cemmbiɗŋga masin. Nga woodi nyii'e mawɗe ɗe njamndi ɓaleeri, nga ƴakki, nga sampiti, nga dammi luttuɗum fuu. Nga nanndaay bee dabbaaji naane go, nga woodi luwe sappo.

Fulfulde Bible

⁷ Ɓaawo man ngi'mi nder wahayuuji am jemma ndabbaawa nayaɓa, kulniiŋga e cemmbiɗŋga masin. Nga woodi nyii'e mawɗe ɗe njamndi ɓaleeri, nga ƴakki, nga sampiti, nga dammi luttuɗum fuu. Nga nanndaay bee dabbaaji naane go, nga woodi luwe sappo.

Daniyel 7:7 Iomraidhean Croise

2 Samuyila 22:43

Mi ɗiggini ɓe, haa ɓe laati bana collaaje. Mi nami ɓe, mi yaaɓi ɓe bana loope dow laawol.

Ayuba 41:14

Kayto! Hoɓɓudu maaga ɓuri semmbiɗgo. Koo moy fotti bee maaga, sey o hultora.

Ezekiyel 40:2

O yi'ni yam wahayuuji, o yahri yam haa lesdi Isra'iila, o jippini yam dow hooseere townde masin. Ton ngi'mi irin berniwol.

Daniyel 2:19

Nden Allah waŋginani Daniyel sirri man bee jemma nder wahayu. Ngam maajum Daniyel maŋgti Allah mo asama,

Daniyel 7:13

Jemma man ndaa boo ko ngi'mi nder wahayuuji am: Goɗɗo bana ɓii neɗɗo wardi bee duule. O yehi haa geeto diga ɓooyma go, woɗɓe njahri mo yeeso maako.

Daniyel 7:2

O wi'i: Nder wahayu am jemmaare man mi yi'i keni nayi ummi diga asama, laanyi mbeela maŋnga.

Daniyel 8:10

Ngal mawni haa yotti jama'aare konu asama, ngal sakkini haa lesdi yeɓre nder maare, non boo koode goɗɗe, ngal dammi ɗe.

Daniyel 8:22

Luwe nayi gurtiiɗe haa pellel luwal aranal yaake ngal yewa, ɗum laamuuji nayi gurtotooɗi ummaatoore man, ammaa ɗi marataa baawɗe laamu aranu.

Zekariya 2:1

Mi tijji, mi yi'i luwe nayi.

Wahayu Yuhanna 12:3

Nden alaama ngoɗka waŋgi haa asama. Ɗum Kuuŋga, maapinndiiwa, mboɗeewa. Nga woodi ko'e joweeɗiɗi e luwe sappo, hoore koo ndeyeere fuu ɗon bee meetaleewol.

Wahayu Yuhanna 13:1

Nden mi yi'i ndabbaawa ɗon wurto mbeela. Nga woodi luwe sappo e ko'e joweeɗiɗi. Luwal koo ngale fuu ɗon bee woronnde, inɗe kuɗanɗe Allah mbinndaama dow ko'e maaga.

Wahayu Yuhanna 17:12

Luwe sappo ɗe a yi'i ngoni laamiiɓe sappo, ɓe puɗɗaay laamaago tawon, ammaa saa'a ngoota non ɓe keɓan baawɗe laamodaago bee ndabbaawa.

Wahayu Yuhanna 17:7

Malaa'ikaajo go wi'i yam: “Ngam ɗume a hayɗini? Mi wi'ete sirri debbo e ndabbaawa marŋga ko'e joweeɗiɗi e luwe sappo nga o wa'i.

Wahayu Yuhanna 17:8

Ndabbaawa nga a yi'i, nga ɗonno naane, ammaa jonta nga walaa. Nga tammi wurtaago ngaska lugguka, nga dillan haa halkere. Jooɗiiɓe haa duniyaaru ɓe inɗe muuɗum'en mbinndaaka nder deftere ngeendam diga fuɗɗam duniyaaru kayɗinan to ɓe ngi'i ndabbaawa nga ngam nga ɗonno naane, nga walaa jonta, nga waŋgan fahin.