Daniyel 2:41 - Fulfulde DC Bible

⁴¹ A yi'i teppe, kooli maaje, yeɓre ɗi njamndi yeɓre boo ɗi loope. Laamu man senndoto geɓe geɓe. Ngu maran semmbe bana njamndi ɓaleeri, ngam a yi'i njamndi jillindiri bee loope.

Fulfulde Bible

⁴¹ A yi'i teppe, kooli maaje, yeɓre ɗi njamndi yeɓre boo ɗi loope. Laamu man senndoto geɓe geɓe. Ngu maran semmbe bana njamndi ɓaleeri, ngam a yi'i njamndi jillindiri bee loope.

Daniyel 2:41 Iomraidhean Croise

Daniyel 2:40

Laamu nayaɓu maran semmbe bana njamndi ɓaleeri. Bana no njamndi ɓaleeri namirta e fusirta koo ɗume fuu, laamu ngu'u boo naman e nattinan laamuuji goɗɗi fuu.

Daniyel 2:42

Kooli teppe yeɓre njamndi, yeɓre boo loope, bana wi'ugo: Yeɓre woore maran semmbe, ammaa yeɓre woɗnde marataa semmbe.

Daniyel 7:24

Luwe sappo boo, ɗum laamiiɓe sappo waŋganɓe nder maral laamu man. Ɓaawo maɓɓe laamiiɗo goɗɗo waŋgan, kaŋko o nanndataa bee maɓɓe, o do'an laamiiɓe tato.

Daniyel 7:7

Ɓaawo man ngi'mi nder wahayuuji am jemma ndabbaawa nayaɓa, kulniiŋga e cemmbiɗŋga masin. Nga woodi nyii'e mawɗe ɗe njamndi ɓaleeri, nga ƴakki, nga sampiti, nga dammi luttuɗum fuu. Nga nanndaay bee dabbaaji naane go, nga woodi luwe sappo.

Wahayu Yuhanna 12:3

Nden alaama ngoɗka waŋgi haa asama. Ɗum Kuuŋga, maapinndiiwa, mboɗeewa. Nga woodi ko'e joweeɗiɗi e luwe sappo, hoore koo ndeyeere fuu ɗon bee meetaleewol.

Wahayu Yuhanna 13:1

Nden mi yi'i ndabbaawa ɗon wurto mbeela. Nga woodi luwe sappo e ko'e joweeɗiɗi. Luwal koo ngale fuu ɗon bee woronnde, inɗe kuɗanɗe Allah mbinndaama dow ko'e maaga.

Wahayu Yuhanna 17:12

Luwe sappo ɗe a yi'i ngoni laamiiɓe sappo, ɓe puɗɗaay laamaago tawon, ammaa saa'a ngoota non ɓe keɓan baawɗe laamodaago bee ndabbaawa.