Daniyel 12:1 - Fulfulde DC Bible

¹ “Saa'i man Mika'iilu, malaa'ikaajo mawɗo, aynoowo ummaatoore ma waŋgan. Saa'iire ɓillaare naawnde laatoto, irin maare meeɗaay laataago diga ummaatooje njooɗi. Saa'i man yimɓe ummaatoore ma, ɓe inɗe muuɗum'en ɗon mbinndi nder deftere kisan.

Fulfulde Bible

¹ “Saa'i man Mika'iilu, malaa'ikaajo mawɗo, aynoowo ummaatoore ma waŋgan. Saa'iire ɓillaare naawnde laatoto, irin maare meeɗaay laataago diga ummaatooje njooɗi. Saa'i man yimɓe ummaatoore ma, ɓe inɗe muuɗum'en ɗon mbinndi nder deftere kisan.

Daniyel 12:1 Iomraidhean Croise

Jabuura 56:8

Ɓe mbaɗi zunuuba. Nden kam ɓe kisan na? Yaa Allah, do'u ummaatooje ɗe'e bee tikkere ma.

Jabuura 69:28

Winndu aybeeji maɓɓe fuu, taa yaafa ɓe sam.

Esaaya 4:3

Nden kam luttuɓe Siyona e hisɓe wonɓe nder Urusaliima, ɓe ewneteeɓe seniiɓe, ɓe winndaaɓe ngam haa ɓe ngeeɗa nder Urusaliima.

Esaaya 9:7

Jawmiraawo neli koŋngol dow danygol Yaakubu, ngol laarani Isra'iila.

Yeremiya 30:10

Onon yimɓe danygol suka am Yaakubu, taa kule! Onon yimɓe Isra'iila, taa kultore! Ndaa mi hisnan on e lesdi ndaayiindi ndi daheeki, ndi laatiiɗon haɓɓaaɓe e muuɗum. Danygol Yaakubu wartan, jooɗoto bee jam e de'ere, walaa kulnanɗo ɓe.”

Yeremiya 30:7

Kayto! Nyalaade hulniinde ɗon wara, nanndu maare walaa. Ɗum wakkati ɓillaare ngam danygol Yaakubu, ammaa ɓe kisan nde.”

Ezekiyel 13:9

Mi fortan juŋngo am ngam honugo annabi'en yi'ooɓe wahayuuji meere e fewooɓe bee hatti muuɗum'en. Ɓe nastataa dawriinde ummaatoore am, inɗe maɓɓe nastataa deftere inɗe yimɓe Isra'iila, ɓe meetataa nastugo lesdi Isra'iila boo. Bana non paamroton min woni Allah Jawmiraawo.

Ezekiyel 34:24

Min Jawmiraawo mi laatoto Allah maɓɓe, jaggiiɗo am Daawuda boo laamanto ɓe. Min Jawmiraawo wi'i ɗum.

Ezekiyel 5:9

Mi waɗan on ko mi meeɗaay waɗugo, mi meetataa waɗugo irin maajum boo, ngam daliila kuuɗe mon nyidduɗe fuu.

Daniyel 10:13

Ammaa malaa'ikaajo aynoowo laamu Perezzi'en dartani yam nyalɗe noogas e go'o. Nden Mika'iilu, gooto nder hoore'en malaa'ika'en, wari, walli yam, mi jooɗi ton kommbi laamiiɓe Perezzi'en.

Daniyel 10:21

Ammaa sey mi anndine ko winnda nder Deftere Gooŋga. Walaa mo wallatammi nder konu bee maɓɓe, sonaa Mika'iilu, malaa'ikaajo aynoowo on.”

Daniyel 11:45

O darnan laymaaji laamorde maako hakkunde beeli gal hooseere ɓurnde wooɗugo waato hooseere seniinde. Nden balɗe maako timman, walaa ballanɗo mo.”

Daniyel 7:10

Maayo yiite wurti diga maago, ɗon ila. Tagaaɓe ujineeje njaggani mo, miliyoŋje ndari yeeso maako. Hiitooɓe ngari njooɗi, defte maɓɓitaama.

Daniyel 9:12

A hiɓɓini ko mbi'ɗa dow amin e ardiiɓe min. A ukkani min sarru saatuŋgu, ko waɗi haa Urusaliima, irin man meeɗaay haa duniyaaru fuu.

Yo'el 2:2

Ɗum nyalaade nyiɓre nyiɓɓunde, nde nyalaade duule naarginanɗe. Ummaatoore mawnde semmbiɗnde ɗon sudda kooseeje bana jayŋgol fajiri. Irin ummaatoore nde'e meeɗaay laataago sam, irin maare meetataa laataago haa duuɓi ɓuranɗi daayaago boo.

Malakiya 3:16

Nden hulɓe Jawmiraawo mbolwindiri. Jawmiraawo boo heɗiti, nani. Deftere ciftorki winndaama yeeso maako ngam hulɓe mo, teddinanɓe innde maako.

Matta 24:21

Ngam saa'i man torra makka laatoto, irin maaka meeɗaay laataago diga duniyaaru jooɗi haa wargo jonta, ka meetataa laataago boo.

Markus 13:19

Ngam nder nyalɗe maajum ɓillaare naawnde waɗan, bana maare meeɗaay waɗeego diga fuɗɗoode duniyaaru haa wargo hannde, nde meetataa waɗugo boo.

Luka 10:20

Ammaa taa ceye ngam ruuhuuji ɗowtanake on, ceye ngam inɗe mooɗon binndaaɗe haa asamanji.”

Roma'en 11:15

Saa'i ɓe ngudina, duniyaaru fuu heɓi sulhotiral bee Allah. Kadi ɗume waɗoto to Allah jaɓi ɓe fahin? Ɓe laatoto bana ummitinaaɓe diga maayde!

Roma'en 11:26

Nden kam Isra'iila fuu hisan, bana ko winnda: “Kisnoowo waran diga hooseere Siyona, ittan geddal yimɓe Yaakubu fuu.

Efesu'en 1:21

Haa ton Almasiihu ɗon laamo dow mawɓe asama e marɓe laamu e marɓe baawɗe e jawmiraaɓe e inɗe tedduɗe ewneteeɗe koo ɗeye, naa nder zamanuuru ndu'u tan, ammaa nder waranndu boo.

Filippi'en 4:3

An boo, kuuwdiɗɗiraawo am koolaaɗo, mi ɗon toro ma a walla rewɓe ɓe'e, ngam ɓe kawti bee am nder haɓre ngam Linjiila, kamɓe e Keleman e luttuɓe huuwdiɗɗiraaɓe am. Inɗe maɓɓe fuu mbinndaama nder deftere ngeendam.

Yahuuda 1:9

Koo Mika'iilu, mawɗo malaa'ika'en, saa'i o waabotiri bee Sayɗaanu dow ɓanndu Muusa, o huli wolwugo kalluka dow maako, ngam maajum o wi'i mo: “Jawmiraawo telɓane!”

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,

Wahayu Yuhanna 12:7

Nden konu waɗi haa asama. Mika'iilu e malaa'ika'en muuɗum kaɓi bee Kuuŋga go. Kuuŋga e malaa'ika'en maaga boo kaɓi bee maɓɓe.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”

Wahayu Yuhanna 20:12

Mi yi'i maayɓe, mawɓe e leesɓe, ɓe ɗon ndari yeeso leeso laamu. Defte maɓɓitaama. Nden deftere woɗnde boo maɓɓitaama, ɗum deftere ngeendam. Maayɓe kiitaama fodde kuuɗe muuɗum'en binndaaɗe nder defte.

Wahayu Yuhanna 20:15

Koo moy mo innde muuɗum winndaaka nder deftere ngeendam, o sakkinaama nder weendu yiite.

Wahayu Yuhanna 3:5

Bana nii, jaaliiɗo fuu ɓornoto limce daneeje, mi wilataa innde maako diga deftere ngeendam. Yeeso Baabiraawo am e malaa'ika'en muuɗum boo mi wi'an fakat o goɗɗo am.

Wahayu Yuhanna 7:14

Mi jaabi mo: “Naywa an woni annduɗo.” O wi'i yam: “Kamɓe ɓe munyani torra makka. Ɓe looti ngapaleeji maɓɓe, ɓe ndanwini ɗi bee ƴiiƴam jawgel.