Daniyel 10:3 - Fulfulde DC Bible

³ Mi nyaamaay nyaamdu welndu, mi nyaamaay kusel, mi yaraay inaboojam boo. Mi wujaaki sam haa asaweeje tati man caali.

Fulfulde Bible

³ Mi nyaamaay nyaamdu welndu, mi nyaamaay kusel, mi yaraay inaboojam boo. Mi wujaaki sam haa asaweeje tati man caali.

Daniyel 10:3 Iomraidhean Croise

2 Samuyila 19:24

Nden o wi'i Sim'i: “Mi hunanake ma a maayataa.”

Ayuba 33:20

O yerdataako koo nyaamdu, koo ɓurndu welugo boo welantaa mo.

Daniyel 10:12

Nden o wi'i: “Taa hul, Daniyel! Allah ma nani do'a ma diga nyannde aranndeere nde tefɗa faamu e leesnuɗa hoore ma yeeso maako. Min mi wari ngam daliila do'a ma.

Daniyel 11:8

O hoocan labbi maɓɓe e suuraaji maɓɓe ɓolinaaɗi e kuuje maɓɓe ɗuuɗa-samanje ɗe cardi e kaŋŋeeri, o yahran ɗi haa Misra. Nden o daayoto laamiiɗo woyla duuɓi seɗɗa.

Daniyel 6:18

Ɓe ngaddi hayre mawnde, ɓe maɓɓi hunnduko lowol bee maare. Laamiiɗo waɗi lammba halagaare muuɗum non boo nga mawɓe muuɗum, ngam taa kiita Daniyel waylite koo seɗɗa.

Amos 5:11

On ɗon torra laafuɗo, on ɗon njoɓna mo jomorgol alkamaari. Ngam maajum, on nyiɓi cuuɗi bee kaa'e cehaaɗe, ammaa on njooɗataako nder maaji. On njubi gese inabooje booɗɗe masin, ammaa on njarataa inaboojam maaje.

Nahum 2:9

Ɓooyma berniwol Niniwe nanndino bee weendu heewndu ndiyamji. Ammaa ndaa yimɓe ɗon ndogga diga maagol! Ndare, ndare! Ammaa walaa mo yeesititto.

Matta 6:17

Ammaa an, to a ɗon suumo, sulmu e wuja yeeso ma,

Luka 7:46

A rufaay nebbam dow hoore am, ammaa kaŋko, o rufi uurdi haa kosɗe am.

1 Korintu'en 9:27

Mi ɗon elta ɓanndu am bee caatal haa ndu ɗowtano yam. Ngam taa min gaazinɗo woɗɓe mi wurtine bana mo he'aay.