Amos 1:11 - Fulfulde DC Bible

¹¹ Ndaa nii Jawmiraawo wi'i: “Yimɓe Edoom mbaɗi aybe dow aybe, fakat mi hiitoto ɓe ngam ɓe taasni banndiraaɓe maɓɓe bee kaafahi, ɓe ngalaa enɗam sam. Tikkere maɓɓe timmataa, ɓernuki maɓɓe ɗon duura haa foroy.

Fulfulde Bible

¹¹ Ndaa nii Jawmiraawo wi'i: “Yimɓe Edoom mbaɗi aybe dow aybe, fakat mi hiitoto ɓe ngam ɓe taasni banndiraaɓe maɓɓe bee kaafahi, ɓe ngalaa enɗam sam. Tikkere maɓɓe timmataa, ɓernuki maɓɓe ɗon duura haa foroy.

Amos 1:11 Iomraidhean Croise

2 Habaruuji Nyalaaɗe 20:10

Nde yimɓe Isra'iila ngari diga Misra, a haɗi ɓe nastugo lesdi Mo'abi'en e Ammooni'en e jooɗiiɓe dow hooseere Se'ir. Ngam maajum ɓe taari lesdi maɓɓe, ɓe nattinaay ɓe.

2 Habaruuji Nyalaaɗe 20:11

Jonta kam, laar no yimɓe ɓe'e mbarjorto min ɗum: Ɓe ɗon ngara nder lesdi ndi marnuɗa min, haa ɓe ndiiwa min.

2 Habaruuji Nyalaaɗe 28:17

Ngam Edoomi'en ngari fahin, njaali Yahuuda, dahi naŋngaaɓe.

Jabuura 137:7

Yaa Jawmiraawo, siftor ko Edoomi'en mbaɗi nyalaade berniwol Urusaliima do'i. Siftor no ɓe mbi'i: “Ngibbine ngol, mbile caɓɓaaje maagol fuu!”

Jabuura 85:5

Hooru min, yaa Allah, Kisnoowo min, accu ɓernango min.

Gaazoowo 7:9

Taa yaawan tikkugo, ngam tikkere ɗon jooɗi haa ɓernde faataaɓe.

Esaaya 57:16

Ngam mi jokkirtaa bee maɓɓe haa foroy, mi tikkantaa ɓe haa abada. To naa non, ruuhuuji maɓɓe tampan yeeso am, non boo yoŋkiiji maɓɓe ɗi tagmi.

Hose'a 8:3

Ammaa Isra'iila'en ngudini mbooɗeeŋga. Sey konne'en ukkano ɓe!

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Zekariya 1:15

Mi heewi tikkere dow ummaatooje koolɗiniiɗe, ngam saa'i mi tikkanino berniwol Urusaliima seɗɗa, ammaa ɗe ɓesdi sarru maagol.

Malakiya 1:2

Jawmiraawo wi'i: “Mi yiɗi on.” Ammaa onon on ɗon ƴama: “Ɗume hollata a yiɗi min?” Jawmiraawo ɗon jaabo: “Naa Isuwa woni deerɗu Yaakubu? Ammaa Yaakubu ngiɗmi,

Malakiya 1:4

To Edoomi'en mbi'i: “Ɓe mbili min gure, ammaa min mahititto bille amin”, nden kam Jawmiraawo honooɓe asama wi'an: “Booɗɗum, kamɓe ɓe mahan, ammaa min mi yibbinan ɗum.” Ngam maajum yimɓe ewnoto Edoom lesdi halleende e ummaatoore nde Jawmiraawo tikkani haa foroy.

Efesu'en 5:1

Ngam maajum mbaɗe ko Allah waɗata nde nii on ɓiɓɓe maako yiɗaaɓe.

Tooktaaki Tawreeta 23:7

Saa'i ummaatoore mon ɗon, taa on ɗaɓɓita hayru e salaaman maɓɓe sam.