Alkaali'en 3:3 - Fulfulde DC Bible

³ Laamiiɓe Filisti'en njowo e Kanaani'en fuu e Sidoni'en e Hewi'en njooɗi haa kooseeje Libanon, diga hooseere Ba'al-Hermoon haa yotti nastirde Hamat.

Fulfulde Bible

³ Laamiiɓe Filisti'en njowo e Kanaani'en fuu e Sidoni'en e Hewi'en njooɗi haa kooseeje Libanon, diga hooseere Ba'al-Hermoon haa yotti nastirde Hamat.

Alkaali'en 3:3 Iomraidhean Croise

Laataanooji 49:13

Zabulon jooɗoto haa fomoonde mbeela, haa jipporde koommbooje. Keeri maako njottoto berniwol Sidon.

2 Samuyila 24:7

Ɓe njehi haa berniwol Tirus e berniiji Hewi'en e Kanaani'en fuu, haa ɓe njotti Biirsaba, haa Lesdi Fombina, lesdi Yahuuda.

1 Laamiiɓe 8:65

Saa'i maajum Suleymaanu waɗi juulde haykaliiru, kaŋko e Isra'iila'en fuu, ɓe ɗuuɗɓe, ɓe ngari diga nastirde Hamat haa yotti maayel Misra. Ɓe mbaɗi juulde yeeso Jawmiraawo Allah nyalɗe joweeɗiɗi. Ɓaawo maajum ɓe mbaɗi juulde feere, nyalɗe joweeɗiɗi goɗɗe.

1 Laamiiɓe 9:20

Yimɓe luttuɓe nder Amoori'en e Heti'en e Perezzi'en e Hewi'en e Yebusi'en, ɓe iwaay haa Isra'iila'en,

Ezekiyel 47:20

Haa hiirnaaŋge boo, Mbeela woni keerol haa yotto nokkuure haa hiirnaaŋge nastirde Hamat. Kanjum woni keerol hiirnaaŋgewol.

Limle 13:29

Amaleki'en ɗon njooɗi haa fombina lesdi. Heti'en e Yebusi'en e Amoori'en ɗon njooɗi dow kooseeje, Kanaani'en boo ɗon njooɗi kommbi mbeela e dow pomoole maayo Urdun.”

Limle 34:8

haa yotto nastirde Hamat. Ngol tokkoto haa yotto boo Sedada

Tooktaaki Tawreeta 1:7

Umme, lorte dow laawol mon. Njehe haa lesdi kooseeje Amoori'en e haa heeddiɗɗiraaɓe maɓɓe fuu, haa Araba dow kooseeje e haa lesdi leesndi e haa Lesdi Fombina e haa sera mbeela, lesdi Kanaani'en e Libanon haa on njotto maayo maŋngo ngo Efratis.

Tooktaaki Tawreeta 3:9

Sidoni'en ɗon ewno hooseere man Siryon, Amoori'en boo ɗon ewno nde Seniira.

Yosuwa 11:19

Walaa berniwol ɗaɓɓi sulhu bee Isra'iila'en, sey Hewi'en jooɗiiɓe haa Gibiyon. Berniiji goɗɗi fuu ɓe kooci ɗi bee konu.

Yosuwa 11:3

haa Kanaani'en gal fuunaaŋge e hiirnaaŋge, haa Amoori'en e Heti'en e Perezzi'en e Yebusi'en dow kooseeje e Hewi'en haa les hooseere Hermoon nder lesdi Mispa.

Yosuwa 13:3

non boo lesdi Awwi'en gal fombina, diga maayo Sihor tiitotirŋgo bee Misra haa yotti keerol Ekuruun wakeere woyla, waato ko limete nder maral Kanaani'en. Laamiiɓe Filisti'en njowo ɗonno njooɗi haa Gaaza e Asdod e Askalon e Gaat e Ekuruun.

Yosuwa 13:5

Non boo lesdi Gibili'en, waato Libanon wakeere fuunaaŋge fuu, diga Ba'al-Gada les Hermoon haa yotti nastirde Hamat.

Yosuwa 19:28

e Abdon e Rehob e Hammon e Kana, haa yotti Sidon berniwol maŋngol.

Yosuwa 9:7

Ammaa Isra'iila'en mbi'i Hewi'en ɓe'e: “Ngam ɗume min kaɓɓata alkawal bee mooɗon? Teema on ɗon njooɗi ɓadiiɗum bee amin.”

Alkaali'en 10:7

Ngam maajum Jawmiraawo tikkani Isra'iila'en, o hokki ɓe haa juuɗe Filisti'en e Ammooni'en.

Alkaali'en 14:4

Saaro'en Samson anndaa nii ɗum Jawmiraawo waɗi yelo ngo nder ɓiɗɗo maɓɓe haa o heɓa dabare haɓugo bee Filisti'en. Ngam saa'i maajum Filisti'en ɗon laamano Isra'iila'en.

Alkaali'en 18:7

Worɓe njowo go ndilli, njotti Layis. Ɓe tawi yimɓe ton, ɗon njooɗi bee de'ere, ɓe njooɗi nder salaaman, walaa fitina bana Sidoni'en. Walaa marɗo laamu nder lesdi man. Ɓe ɗon ndaayotiri bee Sidoni'en, ɓe mari ko'e maɓɓe.

Alkaali'en 3:2

O yiɗi gide kese ɗe'e, ɓen meeɗaay yahugo konu tawon, ɓe paama e ɓe ekkito waɗugo konu tan.

Alkaali'en 4:2

Ngam maajum Jawmiraawo hokki ɓe haa juŋngo Yabin, laamiiɗo Kanaani'en haa Hacoor. Mawɗo honooɓe Yabin, ɗum Sisera, jooɗiiɗo haa Haroseet-Goyim.

1 Samuyila 13:5

Filisti'en boo mooɓti ngam haɓre bee Isra'iila'en. Ɓe ngoodi mootaaji pucci ujine cappanɗe tati (30.000), wa'iiɓe pucci ujine njoweego (6.000) e honooɓe woɗɓe ɗuuɗɓe bana njaareendi maayo. Ɓe ngari, ɓe caŋngini haa Mikmas, haa fuunaaŋge Baytawiina.

1 Samuyila 29:2

Nde laamiiɓe Filisti'en ɗon caalo bee mooɓe muuɗum'en fodde ujineeje e teemeɗɗe, honooɓe laamiiɗo Gaat ngari haa ragare, Daawuda e worɓe mum ɗon ngondi bee maɓɓe.

1 Samuyila 6:16

Laamiiɓe Filisti'en njowo ndaari ɗum fuu, nden ɓe kooti nyalaade maajum haa Ekuruun.

1 Samuyila 6:18

Doombi kaŋŋeeri ɓuri ɗuuɗugo, wooru wooru ngam berniiji nder maral laamiiɓe Filisti'en njowo fuu, diga berniwol cemmbiɗŋgol haa gure haa yotti hayre mawnde kommbi Bayti-Semes nder ngesa Yosuwa. Dow hayre man ɓe njo'inno sundukru alkawal. Nde ɗon ton haa wargo hannde.

1 Samuyila 6:4

Yimɓe ƴami: “Ɗume haani en njoɓa?” Ɓe njaabi: “Suuraaji ɓuule kaŋŋeeri jowi e doombi kaŋŋeeri jowi, gootel gootel ngam berniwol fuu. Ngam masiibo gooto ukkani berniiji Filisti'en jowi bee laamiiɓe muuɗum'en fuu.