1 Piyer 5:10 - Fulfulde DC Bible

¹⁰ Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

Fulfulde Bible

¹⁰ Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

1 Piyer 5:10 Iomraidhean Croise

Jabuura 119:28

Ɓernde am ɗon sakli masin, semmbiɗinam fodde wolde ma.

Jabuura 138:7

Koo to ɓillaaje taarake yam, an a ɗon ayna yoŋki am. A fortan juŋngo ma dow konne'en am tikkananɓe yam, nyaamo ma hisnatam.

Jabuura 86:15

Ammaa an, yaa Jawmiraawo, a Allah marɗo enɗam e hinnuye, mo tikkataa law, mo mbooɗeeŋga mum e gooŋgaaku mum ɗuuɗi.

Jabuura 86:5

Yaa Jawmiraawo, a booɗɗo, a jaafoowo. Koo moy tori ma, a waŋginanan ɗum mbooɗeeŋga ma ɗuuɗŋga.

Zekariya 10:12

Mi semmbiɗinan ummaatoore am Isra'iila, Isra'iila tokkoto muuyo am. Min Jawmiraawo wi'i ɗum.

Zekariya 10:6

Mi semmbiɗinan yimɓe Yahuuda, mi rimɗinan yimɓe Yusufu. Mi hooran ɓe, ngam mi woodi enɗam ngam maɓɓe. Ɓe laatoto bana mi meeɗaayno wudingo ɓe sam. Min woni Jawmiraawo Allah maɓɓe, mi jaaban tornde maɓɓe.

Luka 22:32

Ammaa mi torake ngam maaɗa, ngam taa nuɗɗinki ma tampa. An, to a tuubi, semmbiɗin deerɗiraaɓe ma.”

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

Roma'en 15:5

Allah, dokkoowo en munyal e de'ere ɓernde, hokku on on njooɗodo hakkiilo wooto haa on tokko misaalu Almasiihu,

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 9:11

Cuɓol Allah ɗon dari dow anniya muuɗum tan. Ngam maajum o wi'i Rebekka: “Mawniraawo huuwanan minyiraawo.” Allah wi'i ɗum diga ɓe ciwaa danyeego, hiddeko ɓe mbaɗa booɗɗum malla kalluɗum. Cuɓol Allah daraaki dow kuuɗe maɓɓe, sey dow ewnaandu maako tan.

Roma'en 9:24

Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo,

1 Korintu'en 1:10

Deerɗiraaɓe am, mi ɗon suusɗina on bee innde Jawmiraawo meeɗen Yeesu Almasiihu: Njooɗe on narruɓe! Taa cenndol wona caka mooɗon. Laate narruɓe dow hakkiilo wooto e anniya ngoota.

1 Korintu'en 1:9

Allah o koolniiɗo, kaŋko ewni on haa kawton bee Ɓiɗɗo mum Yeesu Almasiihu, Jawmiraawo meeɗen.

2 Korintu'en 13:11

Deerɗiraaɓe, njooɗe nder seyo! Tiine haa on laato timmuɓe! Tiɗɗindire! Njooɗode bee narral! Ngeeɗe nder jam! Nden kam Allah, dokkoowo en yiide e salaaman wondan bee mooɗon.

2 Korintu'en 4:17

Fakat, ɓillaaje amin jontaaje, ɗe koyɗe ɗe nduurataa boo. Ɗe ɗon taaskano min tedduŋgal duumiiŋgal kaayeefiiwal, tedduŋgal nga'al mawni ɓuri ɓillaaje amin piw.

Filippi'en 4:13

Mi waawi waɗugo ɗu'um fuu, ngam Almasiihu ɗon semmbiɗinammi.

Kolossi'en 2:7

Tabite nder maako bana no lekki darorto nder lesdi bee ɗaɗi maaki, ndarne yoŋkiiji mooɗon dow maako, cemmbiɗine nuɗɗinki mon fodde ekkitinol ngol keɓɗon, ngette Allah bee gettooje ɗuuɗɗe.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

2 Tessaloniiki'en 2:14

Allah ewni on bee Linjiila ka min ngaazi on, haa on keɓa geɗal mooɗon haa tedduŋgal Jawmiraawo meeɗen Yeesu Almasiihu.

2 Tessaloniiki'en 2:17

nde'itina ɓerɗe mooɗon, ndokka on semmbe waɗugo e wolwugo ko wooɗi.

2 Tessaloniiki'en 3:3

Ammaa Jawmiraawo, o koolniiɗo. O semmbiɗinan on, o aynan on diga Kalluɗo.

1 Timote 6:12

Sey a haɓa haɓre nuɗɗinki woonde haa keɓa ngeendam nduumiiɗam. Allah ewni ma haa ngeendam man saa'i mbaɗɗa seedamku nuɗɗinki ma mbooɗŋgu yeeso seedooɓe ɗuuɗɓe.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:10

Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

1 Piyer 1:15

Ammaa bana Allah ewniiɗo on o Ceniiɗo, laate onon boo on senaaɓe nder ko mbaɗoton fuu.

1 Piyer 4:10

Sey koo moy mooɗon huuwtinira dokkal ngal Allah hokki mo, nafa woɗɓe bee maagal. Bana nii on laatorto aynooɓe dokke Allah feere feereeje.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

2 Piyer 1:3

Allah hokkiri en koo ɗume bee baawɗe mum haa en ngeeɗa nder ngeendam e kulol maako. O hokki en ɗum ngam en anndi ewniiɗo en nder tedduŋgal mum e nder mbooɗeeŋga mum.

1 Yuhanna 2:25

Ndaa iinawol ngol o iinani en: Ɗum ngeendam nduumiiɗam.

Yahuuda 1:24

Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!