1 Piyer 3:18 - Fulfulde DC Bible

¹⁸ Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

Fulfulde Bible

¹⁸ Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Piyer 3:18 Iomraidhean Croise

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

Ibraniŋke'en 9:26

To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

2 Korintu'en 5:21

Almasiihu waɗaay hakke sam. Ammaa Allah yowi hakkeeji meeɗen fuu dow maako, ngam haa laatooɗen adili'en yeeso Allah barka kawtal meeɗen bee Almasiihu.

1 Piyer 4:6

Kanjum waɗi Almasiihu waazini maayɓe boo kubaruwol ceynoowol, koo to ɓe maayi daliila kiita ka yimɓe fuu kiitorte, ɓe ngeeɗa fodde Allah barka Ruuhu.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

1 Yuhanna 1:9

Ammaa to en mbaŋgini hakkeeji meeɗen yeeso Allah, kaŋko o koolaaɗo, adiliijo, o yaafanto en hakkeeji meeɗen, o laɓɓinan en diga sooynde adilaaku meeɗen fuu.

Roma'en 4:25

Allah acci o maaya ngam daliila aybeeji men. O ummitini mo boo ngam haa o adilina en yeeso maako.

1 Piyer 4:1

On anndi Almasiihu yari bone nder ɓanndu muuɗum. Cemmbiɗine ko'e mooɗon bee numo bana ngo Almasiihu, ngam koo moy to yari bone nder ɓanndu mum seedi bee hakke.

Roma'en 8:3

Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Galaatiya'en 3:13

Almasiihu rimɗini en diga naaloore tawreeta, ngam o laati naalaaɗo mbattudi meeɗen ngam Deftere wi'i: “Koo moy ɓilaaɗo haa leggal, o naalaaɗo.”

Galaatiya'en 1:4

Almasiihu hokki hoore mum ngam daliila hakkeeji men, ngam hisnugo en diga zamanuuru jontaaru hallundu ndu'u fodde muuyo Allah, Baabiraawo men.

2 Korintu'en 13:4

Fakat saa'i o ɓila haa leggal gaafaaŋgal, o tampuɗo no. Ammaa jonta o geeto bee baawɗe Allah. Ngam daliila kawtal amin bee maako, minin boo min tampuɓe. Ammaa min kollan on min ngeeɗidan bee maako daliila baawɗe Allah.

Roma'en 5:2

En keɓi mo'ere Allah bee laawol nuɗɗinki, en ɗon tabiti nder mo'ere man. En keewi seyo boo, ngam fakat en ɗon bee tammunde heɓugo tedduŋgal Allah.

Roma'en 1:4

Ammaa fodde Ruuhu Ceniiɗo, Allah tabitini mo o Ɓiɗɗo maako bee baawɗe saa'i o ummitini mo diga maayde, kaŋko woni Yeesu Almasiihu Jawmiraawo meeɗen.

Yaakuba 5:6

On kiiti adiliijo, on mbari mo. Kaŋko o dartanaaki on.

Kuuɗe Nelaaɓe 3:14

On ngudini Ceniiɗo, Adiliijo, on tori Pilaatu o yoofana on mbaroowo ko'e.

2 Korintu'en 1:24

Min ngiɗaa doolugo on nuɗɗingo koo ɗume, ngam on ɗon tabiti nder nuɗɗinki. Ammaa min ngiɗi huuwdugo bee mooɗon ngam haa seyo mooɗon ɓesdo.

Roma'en 8:11

To Ruuhu maako ɗon jooɗi nder mooɗon, nden kam Allah ummitinɗo Almasiihu diga maayde yeeɗitinan boo ɓalli mon maayanɗi bee Ruuhu man.

Kuuɗe Nelaaɓe 22:14

O wi'i yam: Allah kaakiraaɓe meeɗen suɓi ma diga ɓooyma haa a faama muuyo maako, a yi'a Adiliijo maako, a nana ko o ɗon wolwa.

Matta 27:19

Saa'i Pilaatu ɗon jooɗi haa leeso kiita, debbo maako neli goɗɗo haa maako, wi'i mo: “Taa waɗ gorko adiliijo oo koo ɗume. Ngam jemmaare nde'e mi hoyɗi dow haala maako, ɗum ɓilli yam masin.”

Zekariya 9:9

An berniwol Siyona, yimu bee seyo! An Urusaliima, welwelta! Ndaa, laamiiɗo maaɗa ɗon wara haa ma. O adiliijo, o jaaliiɗo. O jaŋkiniiɗo, ba'iiɗo wamnde, waato wamnde molde.

Daniyel 9:26

To duuɓi cappanɗe joweego e ɗiɗi (62) nde joweeɗiɗi go timmi, yimɓe mbaran moytaaɗo, walaa ko o heɓata. Ardiiɗo feere waran, wilan berniwol e nokkuure seniinde. Timmoode maako waran bana ilam kalkoojam, haa ragare man boo konu e halkere laatoto, bana Allah taynori.

Matta 27:24

Nde Pilaatu yi'i o waawataa waɗugo koo ɗume, hoolo boo ɗon ɓesdo, o hoo'i ndiyam, o looti juuɗe maako yeeso mooɓre nde'e, o wi'i: “Mi laaɓɗo e ƴiiƴam goɗɗo oo, ɗum haala mooɗon!”

Yuhanna 16:10

Ɓe ɗon mboofa dow haala adilaaku, ngam mi ɗon dilla haa Baabiraawo, on meetataa yi'ugo yam.

Efesu'en 3:12

En ɗon nuɗɗini mo, ngam maajum, haa maako keɓɗen duŋayeere yottaago Allah bee hoolaare.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Ibraniŋke'en 10:10

Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

1 Piyer 3:19

Nii non o jippiri nder Ruuhu haa yoŋkiiji maɓɓaaɗi, o waazini ɗi.