1 Piyer 2:4 - Fulfulde DC Bible

⁴ Ɓadite mo. O laati hayre yeere nde yimɓe meeriɗini, ammaa nde Allah suɓi ngam nde mari saman.

Fulfulde Bible

⁴ Ɓadite mo. O laati hayre yeere nde yimɓe meeriɗini, ammaa nde Allah suɓi ngam nde mari saman.

1 Piyer 2:4 Iomraidhean Croise

Esaaya 28:16

Ngam maajum Allah Jawmiraawo wi'i: “Ndaa, mi ɗon wallina caɓɓawal dow Siyona. Nder maagal mi ɗon jo'ina hayre tabitinaande, hayre talkumoore, marnde saman, jo'inaande booɗɗum: Kooliiɗo nde fuu tabitan!

Esaaya 42:1

Jawmiraawo wi'i: “Ndaa suka am, mi jogoto mo, o cuɓaaɗo am mo yoŋki am seyorto ɗum. Mi waɗi Ruuhu am dow maako. O waŋginanan ummaatooje kiita ndarnuka.

Esaaya 55:3

Keɗite! Ngare haa am. Nane! Nden on ngeeɗan. Mi haɓɓan alkawal duumiiŋgal bee mooɗon, mi mo'anan on mo'ere nde mi iinani Daawuda.

Yeremiya 3:22

“Lorte, onon ɓiɓɓe tuurtooɓe, haa mi hurga tuurtol mooɗon.” Yimɓe mbi'i: “Ndaa min, min ɗon ngara haa maaɗa, ngam an woni Jawmiraawo Allah amin.

Daniyel 2:34

Saa'i a ɗon laara, hayre hoɓɓiti feere maare – walaa juŋngo yerɓi nde. Nde tappi teppe suura ɗe njamndi bee loope go, nde nami ɗe.

Daniyel 2:45

Ngam maajum ngi'ɗa no hayre hoɓɓitiri – walaa juŋngo yerɓi nde— nami njamndi ɓaleeri e mboɗeeri e loope e cardi e kaŋŋeeri. Allah mawɗo waŋginani ma ko tammi laataago, barkaama. Koyɗol man tabiti, maana maagol boo laaɓi.”

Zekariya 3:9

Ndaa hayre nde mi wallinta yeeso Yosuwa. Dow hayre nde'e, woodi gite joweeɗiɗi. Min bee hoore am, mi winndan binndol dow maare. Mi ittan aybeeji lesdi ndi'i nder nyalaade woore. Non Jawmiraawo honooɓe asama wi'i.

Zekariya 4:7

An hooseere mawnde, a ɗume? A laatoto waadiwol yeeso Zorobaabila. O wurtinan hayre talkumoore diga maaɗa. Yimɓe koolan: Kay, nde wooɗi! Kay, nde wooɗi!”

Matta 11:28

Onon somɓe e roondiiɓe doŋgle tedduɗe fuu, ngare haa am, mi hokkan on siwtaare.

Matta 12:18

“Allah wi'i: Ndaa suka am mo mi suɓi, giɗaaɗo am mo mi seyorto. Mi neli Ruuhu am dow maako, o anndinan ummaatooje kiita ndarnuka.

Matta 21:42

Yeesu wi'i ɓe: “On meeɗaay jaŋngugo ko winnda nder Defte Ceniiɗe na? Hayre nde mahooɓe ngudini, laati hayre talkumoore ɓurnde saman. Jawmiraawo waɗi ɗum, ɗum kaayeefi haa gite meeɗen.”

Yuhanna 14:19

Yeeso seɗɗa duniyaaru yi'ataa yam fahin, ammaa onon on ngi'atam, ngam min mi ɗon yeeɗi, onon boo on ngeeɗan.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Yuhanna 5:26

Bana Baabiraawo woni seeɓoore ngeendam, bana non o hokki Ɓiɗɗo boo baawɗe laataago seeɓoore ngeendam.

Yuhanna 5:40

Ammaa on ngiɗaa wargo haa am ngam on keɓa ngeendam.

Yuhanna 6:37

Mo Baabiraawo hokki yam fuu, waran haa am. Koo moy wari haa am boo, mi wudintaa mo yaasi.

Yuhanna 6:57

Baabiraawo nelɗo yam, o geeto, mi ɗon yeeɗa ngam daliila maako. Bana non boo koo moy nyaami ɓanndu am, yeeɗan ngam daliila am.

Roma'en 5:10

Saa'i en konne'en Allah no, en keɓi sulhotiral hakkunde meeɗen bee maako barka maayde Ɓiɗɗo maako. Sakkomaa jonta, ɓaawo sulhotiral nga'al, fakat en keɓan kisndam barka ngeendam Ɓiɗɗo oo.

1 Korintu'en 3:11

Yeesu Almasiihu woni caɓɓawal. Walaa ballinanɗo goɗŋgal.

Kolossi'en 3:4

Almasiihu woni ngeendam mooɗon. To o waŋgi, onon boo on mbaŋgan bee maako nder tedduŋgal.

1 Piyer 1:19

ammaa on coottiraama bee ƴiiƴam caɗɗam ɗam Almasiihu, mo laati bana jawgel laaɓŋgel ngel walaa aybe.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

1 Piyer 2:7

Hayre nde'e laatanake nuɗɗinɓe mo saman ɗuuɗɗo. Ammaa haa sooyɓe nuɗɗinki: “Hayre nde mahooɓe ngudini, laati hayre talkumoore ɓurnde saman.”

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

2 Piyer 1:4

Bana nii o waɗani en iinaaji ɓurɗi mawnugo e ɓurɗi saman haa on laato bana Allah wa'i nde nii on daɗi suunooji kalkooji gonɗi nder duniyaaru.