1 Piyer 1:4 - Fulfulde DC Bible

⁴ En ɗon tammo heɓugo ndonŋgu ngu o sigani yimɓe maako haa asama. Ngu nyolataa, ngu wonnataako, ngu ustataako boo.

Fulfulde Bible

⁴ En ɗon tammo heɓugo ndonŋgu ngu o sigani yimɓe maako haa asama. Ngu nyolataa, ngu wonnataako, ngu ustataako boo.

1 Piyer 1:4 Iomraidhean Croise

Jabuura 31:19

Muukɗin fewooɓe ɓe'e, hallinanɓe adiliijo bee elewre e meeriɗinaare!

Jabuura 47:4

O leesnani en jama'aaje, o ɗowtinani en ummaatooje!

Esaaya 66:22

“Mi tagan asamaawu kesu e lesdi kesri, ɗum tabitan yeeso am. Bana non danygol e innde mon tabitirta.

Ezekiyel 47:12

Haa pomoole maayo ɗiɗi fuu, leɗɗe dimooje feere feereeje mawnan. Haakooji maaje caamataa, ɗe accataa rimugo ɓiɓɓe boo. Lewru fuu ɗe ndiman ɓiɓɓe, ngam ndiyam iloojam diga haykaliiru ɗon yarna ɗe. Yimɓe nyaaman ɓiɓɓe maaje, haakooji maaje laatoto kurgun.”

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Markus 10:17

Nde Yeesu ɗon yaha dow laawol, goɗɗo doggoy wari, tuggi koppi yeeso maako, ƴami mo: “Moodibbo booɗɗo, ɗume mi waɗata haa mi heɓa ngeendam nduumiiɗam?”

Kuuɗe Nelaaɓe 20:32

Jonta mi halfini on haa juŋngo Allah e haa habaru mo'ere maako. O waawan mawningo on nder nuɗɗinki e tabitingo ndonŋgu mooɗon, ngu o sigani senaaɓe maako fuu.

Kuuɗe Nelaaɓe 26:18

ngam a maɓɓita gite maɓɓe, haa ɓe ngaylita ɓaawo haa nyiɓre, ɓe nasta haa annoora, ɓe ngurto diga les baawɗe Sayɗaanu, ɓe njaha haa Allah, ɓe keɓa yaafuye hakkeeji maɓɓe e geɗal ndonŋgu maɓɓe caka senaaɓe bee nuɗɗingo yam.”

Roma'en 8:17

To nii en ɓiɓɓe maako, nden kam en keɓan boo ko o sigani ɓiɓɓe maako, en keɓdan ɗum bee Almasiihu. To en njaɓi geɗal torraaji Almasiihu, en keɓan geɗal tedduŋgal maako boo.

1 Korintu'en 9:25

Giɗɗo daɗugo fuu eltan hoore mum bee caatal. O ɗon waɗa ɗum ngam haa o heɓa meetaleewol haakooji ɗaylanɗi. Ammaa enen en ɗon ngaɗa ɗum haa keɓen meetaleewol ngol jinnataa.

Galaatiya'en 3:18

Ngam to ndonŋgu iwi haa tawreeta, nden kam ngu iwataa haa iinawol fahin. Ammaa Allah mo'ani ngu Ibrahiima nder iinawol mum.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 1:14

Ruuhu man woni jeŋngina ndonŋgu meeɗen, haa ndonen ngu to o sootti en. Maŋgtoore laatano tedduŋgal maako!

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Kolossi'en 1:12

on ngetta Baabiraawo, ngam kaŋko waawni on heɓugo ndonŋgu ngu o yeɗani senaaɓe maako nder annoora.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 3:24

On anndi fakat on keɓan ndonŋgu ngu Jawmiraawo warjorto on. Ngam ɗum Almasiihu, Jawmiraawo kuuwanton.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Ibraniŋke'en 10:34

On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

Yaakuba 1:11

To naaŋge ɓaŋgti, wuli jaw, huɗo yooran, pinndi mum caaman, mbooɗirka man fuu halkan. Bana non boo diskuɗo halkirta nder kuuɗe muuɗum.

1 Piyer 3:9

Taa lorne halleende bee halleende malla kuudi bee kuudi. Ndikka on mbarkiɗina, kanjum Allah ewnori on haa ndonon barka.

1 Piyer 5:4

To gaynaako mawɗo waŋgoyi, on keɓan meetaleewol marŋgol tedduŋgal, ngol furɗataa sam.

Wahayu Yuhanna 21:27

Walaa coɓɗum fuu malla kuuwanɗo nyidduɗum e pewoowo keɓata nastugo ngol. Sey mo innde muuɗum winndaama nder deftere ngeendam nde jawgel mari tan heɓata nastugo.