Tito 3:1 - Tosi Tapu

¹ Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Tito 3:1 Iomraidhean Croise

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Ekelesiasi 10:4

Kapau e malaga le ita o lou pule kiate koe, aua na ke tiaki lou nofoaga, talie e fakamolemole ni sala lalasi e se tali agamalu.

Esaia 43:26

Fafagu loku manatu, ta masasau fakatasi, Masau mai a koe totonu, o fakasa mai lou faitotonu !

Selemia 27:17

Aua na kotou fakalogo kia latou ; kotou fakalogo ki le sau o Papilone, ti e kotou mauli loa. Kolea e liliu ai loa le kolo leinei ko se kolo maumau ?

Mateo 22:21

Ti na lotou tali loa kiate ia : O Sesale. Ti na pati loa Sesu kia latou : Kotou tuku kia Sesale le nea a Sesale, ti e ki le Atua le nea a le Atua.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Uluaki tosi kia Timoteo 2:2

o tupu ko sau ti mo latou fuli ala kua siki e se tuulaga, o tupu ke tou maua se mauli tokamalie mo fimalie, i le tausi ki le Atua ti mo le agatonu.

Uluaki tosi kia Timoteo 4:6

I lau fakasa a nea ana ki fetaina, e ke liliu loa ko se tagata gaoi malie a Sesu-Kilisito, leia e fagai e folafola o le tui ti mo le akonaki malie leia kua ke mulimuli totonu ki ai.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Lua tosi kia Timoteo 1:6

Koia, e kau kole atu ai kiate koe, ke ke toe fakaula le nea alofa o le Atua, leia na ke tali i le teki o oku lima.

Lua tosi kia Timoteo 2:14

Fakamanatu a nea ana, o fakatotonu kia latou i mua o le Atua, ke tiaki a fefele i kupu, ala e aoga fuai ki le maumaui o latou ala e fakalogologo.

Lua tosi kia Timoteo 2:21

Koia kapau e fakamea se tasi mei nea ana, e liliu loa a ia ko se ipu mauiga, mo maokioki, mo aoga ki lona pule, ti kua teuteu a ia ki gaoi malilie fuli.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Tito 3:8

E maoki le folafola lena, ti e kau loto ke ke fakasa fakamakeke tuumau a nea ana, o tupu ke tokaga latou ala kua tui ki le Atua o fai ni gaoi malilie. Ko lena le nea leia e malie mo aoga ki tagata.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Lua tosi a Petelo 1:12

Ko le tupuaga a ia o laku tokaga o fakamanatu tuumau atu kia koutou a nea ana, logo ai kua kotou iloa latou, ti kua kotou tuu mau i le maoki leia kua kotou tali.

Suta 1:5

E kau loto ke kau toe fakamanatu atu kia koutou, kia koutou ala e iloa ia a nea fuli ana, ko le Aliki, i le oki o lana saofaki le kakai ti mo lana fakamavae latou mei le fenua o Esipito, na tamate ia le kau tui gataa ;