Tetelonome 9:7 - Tosi Tapu

⁷ Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Tetelonome 9:7 Iomraidhean Croise

Ekesote 14:10

Na fakafeofi loa Falaone kia latou. Ti na tio loa fanau a Iselaele, ti ko leinei kua au le kau Esipito i olatou muli. Ti na i lasi loa fanau a Iselaele, ti na lotou kalaga loa ki le Eteleno.

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 16:2

Ti na gugu loa le fakatasi katoa o fanau a Iselaele i le toafa kia Moisese mo Alone.

Ekesote 17:2

Ti na fakatupu fefele loa le kakai kia Moisese. Na lotou pati loa : Soli mai se vai ke inu. Na tali loa Moisese kia latou : Kolea e kotou fakatupu fefele ai kiate au ? Kolea e kotou asiasii ai le Eteleno ?

Ekesote 23:21

Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 32:30

Talie ko fanau a Iselaele mo fanau a Suta Na fai ia, talu mei lolatou liliki, le nea leia e veli ki oku mata ; Talie na fakatupu e fanau o Iselaele loku sausau Ki gaoiaga o olatou lima, e pati le Eteleno.

Selemia 44:9

Pe kua galo ia koutou a agasala o okoutou tamana, mo agasala o sau o Suta, mo agasala o alatou avaga, mo akoutou agasala, mo agasala o okoutou avaga, ala na fai i le fenua o Suta mo ala o Selusalemi ?

Esekiele 20:13

Kae na agatuu loa le fale o Iselaele kiate au i le toafa. Ti na leaise lotou mulimuli loa ki aku lao, ti na lotou tiaki loa aku fakatotonu, ala e tonu ke fai e le tagata o tupu ke mauli ai, ti na lotou maumaui fakaveliveli loa aku sapato. Koia na kau maua ai loa le manatu ke liligi kia latou loku sausau i le toafa, o tupu ke fakapuli ai latou.

Esekiele 20:43

I ai e kotou manatui loa akoutou agaveveli mo nea fuli ala na kotou fai o koutou kelekele ai ; e kotou fakalialia loa kia koutou totonu, o tupu ko nea fakalialia fuli ala na kotou fai.

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Esekiele 36:31

I le aso lena e kotou manatui loa lokoutou mauli leia na veli, mo akoutou gaoi ala na leaise malilie ; ti e kotou fakalialia loa kia koutou totonu, o tupu ko akoutou agaveli mo akoutou aga fakalialia.

Numelo 11:4

Na vilo loa ki le oli fakatino le kakai kese leia na fanoga i loto malie o fanau a Iselaele. Ti na toe kamata lalau foki fanau a Iselaele, o pati : Ko ai leia e soli ia mai loa kia tatou se kanoi manu ke kai ?

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 17:10

Na pati loa le Eteleno kia Moisese : toe ave le tokotoko o Alone ki mua o le aleka o le fakamaoki, ke taupau a ia ofaipe se fakamailoga ki fanau o le agatuu, o tupu ke ke fakagato i oku mua alotou lalau, ti ke aua na lotou mamate loa.

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Uluaki tosi ki le kau Kolinto 15:9

talie e kau ikiiki oki i le kau apositolo, ti e leaise tonu ke fakaigoa au ko le apositolo, talie na kau fakavelivelii le Ekelesia o le Atua.

Efeso 2:11

Koia, ko koutou kau pagani i mua i le kanofi, na fakaigoa ko le kau lee silikosisio e latou ala e pati ko le kau silikosisio talie na silikosisio latou i le kanofi e le lima o le tagata,

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Tetelonome 9:24

E talu laku iloa koutou, mo lakotou fakatutuu tuumau ki le Eteleno.

Tetelonome 9:4

Ka kapu loa latou e le Eteleno, lou Atua, i ou mua, ke aua na ke pati loa i lou loto : ko loku maokioki leia e fakaulu ai au e le Eteleno o maua tofiga le fenua leinei. Talie e kapu latou e le Eteleno i ou mua, o tupu ko le agaveli o puleaga ana.