Tetelonome 9:26 - Tosi Tapu

²⁶ Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:26 Iomraidhean Croise

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Uluaki tosi o Sau 8:51

talie ko lou kakai latou mo lou tofiga, ti na ke fakamavae latou mei Esipito, mei loto malie o le gutuumu ukamea ulaula.

Uluaki tosi o Sau 8:53

Talie na ke vaei kese latou mei kakai fuli o le malama nei ke liliu ko lou tofiga, o fai ki lau fakasa kia Moisese, lau tagata fakasausau, i le aso leia na ke fakamavae ai mei Esipito omatou tamana, ei Aliki Eteleno !

Neemia 1:10

Ko au tagata fakasausau latou anei ti ko lou kakai, leia na ke totogi ki lou mafimafi ti mo lou lima makeke.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 107:2

Ke fakasa le nea lena e latou ala na totogi e le Eteleno, Latou ala na saofaki e ia i le lima o le fili,

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 57:1

Ki le pule o le kau sua. Aua na ke maumaui. Pesalemo a Tavite. I lana sola ki le ana, o tupu ko lona tuli e Saulo.

Pesalemo 77:15

Ko le Atua a koe leia e fai ia ni nea fakatalatupua ; Na ke fakasa lou mafimafi i le lotolotoga o kakai.

Pesalemo 78:35

Na lotou manatu loa ko lolatou utu ko le Atua, Ko lolatou fakamauli ko le Atua taualuga.

Pesalemo 99:6

Ko Moisese mo Alone i ana tagata faisakilifisio, Ti mo Samuele ia latou ala na fetapa ki lona suafa, Na faikole loa ki le Eteleno, ti na tali loa e ia latou.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Tagi laulau a Selemia 2:20

Tio, Eteleno, tio pe ko ai leia na ke fai fenaaki ! Pe tonu ke kai e fafine a fua o olatou manava, A toe memea ala e lotou alofa mamae ki ai ? Pe tonu ke tamate a tagata faisakilifisio mo polofeta i le sagatualio o le Aliki ?

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 15:15

E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Tetelonome 21:8

Eteleno, fakamolemole ki lou kakai ko Iselaele, leia na ke totogi. Aua na ke tuku le toto mea ki lou kakai ko Iselaele, ti e leaise tuku loa kiate ia le toto lena.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.

Tetelonome 9:12

Na pati mai loa le Eteleno kiate au : Ke ke tuu ki aluga, o ifo vave i leinei, talie ko le kakai leia na ke fakamavae mei Esipito kua fai ia se agasala veli, ti kua lotou mavae fakatavili mei le ala leia na kau fakasa kia latou, ti kua lotou fai kia latou se fakatata ki le ukamea saka.

Tetelonome 9:27

Ke ke manatui au tagata fakasausau ko Apalaamo, mo Isaake, mo Sakopo. Ke aua na ke tio ki le patigataa o le kakai leinei, mo lona agaveli, mo lana agasala.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Uluaki tosi a Samuele 7:9

Na too loa e Samuele se akeno koi u, o momoli katoa a ia i se failaulau ki le Eteleno. Na tagi loa a ia ki le Eteleno o uiga mo Iselaele, ti na tali loa a ia e le Eteleno.