Tetelonome 9:1 - Tosi Tapu

¹ Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Tetelonome 9:1 Iomraidhean Croise

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Taniela 4:11

Na liliu loa le laakau lena o lasi mo makeke, ti na malaga loa lona tumutumu o kaku ki le lagi, ti na tio loa kiate ia mei potupotu o le malama nei katoa.

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Numelo 33:51

Na pati loa a ia : Masau ki vosa o Iselaele, ti ke pati loa kia latou : Ka kotou fakalaka loa i le Solotane, o ulu loa ki le fenua o Kanaane,

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 11:23

ti e kapu loa e le Eteleno i okoutou mua a puleaga fuli ana, ti e kotou pule loa ki ni puleaga ala e lalasi ake mo makeke ake ia koutou.

Tetelonome 11:31

Talie kua vave fua lakotou fakalaka i le Solotane, o ano o too le fenua leia e soli kia koutou e le Eteleno, lokoutou Atua. Ke kotou too a ia ti ke kotou maua tofiga a ia.

Tetelonome 27:2

Ka kotou ano loa o fakalaka i le Solotane, o ulu ki le fenua leia e soli atu loa kia koutou e le Eteleno, lou Atua, e ke fakatuu loa ni fatu lalasi ti e ke pena loa latou ki le lase.

Tetelonome 3:18

I le temi lena na kau tuku loa kia koutou le fakatotonu leinei : Ko leinei, kua soli loa e le Eteleno, lokoutou Atua, kia koutou le fenua leinei e tuu i le fetuu esite o le Solotane ; ke too loa e tagata tau fuli o koutou alatou masafu, o fakalaka i le Solotane i mua okoutou fetaina, ala ake fanau a Iselaele.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:38

na kapu e ia i ou mua ni puleaga ala e lalasi ake mo makeke ake iate koe, o tupu ke fakaulu e ia a koe ki lolatou fenua ke ke maua tofiga a ia, ofaipe lau tio ki ai i le aso nei.

Tetelonome 6:10

I le aso leia e fakaulu ai loa a koe e le Eteleno ki le fenua leia na fakapapau e ia ki ou tamana, ko Apalaamo, mo Isaake, mo Sakopo, ke soli atu kiate koe, e ke maua loa i ai ni kolo lalasi mo fulumalilie ala na leaise ke fakatuu ia,

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Sosue 1:11

Ke kotou folii le nofolaga, ti ko leinei le nea ke kotou fakatotonu loa ki le kakai : Ke kotou teuteu loa ni nea kai, talie ka oki loa a aso e tolu, e kotou fakalaka loa i le Solotane leinei, o ano o too le fenua leia na soli atu kia koutou e le Eteleno, lokoutou Atua.

Sosue 1:15

o kaku ki le temi e tuku ai loa e le Eteleno le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua. Kao oki loa a ia, ti o kotou liliu mai loa o nofo i le fenua leia na tuku atu kia koutou e Moisese, tagata fakasausau a le Eteleno, i le fetuu leinei o le Solotane, i le sopoaga o le laa.

Sosue 14:12

Koia ke ke soli mai kiate au le mauga leinei na masau ki ai le Eteleno i le aso lena ; talie na ke iloa i le aso lena na nofo i ai ni fanau a Anake, ti na tuu i ai ni kolo tau lalasi mo makeke. Ko leia fua ke nofo le Eteleno mo au, ti e kau kapu ia loa latou, o mulimuli ki le nea leia na fakasa e le Eteleno.

Sosue 3:14

Na mavae loa le kakai mei olotou falela ke fakalaka i le Solotane, ti na saele loa le kau tagata faisakilifisio ala na amo ia le aleka i mua o le kakai.

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.

Sosue 3:6

Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 4:19

Na mavae loa le kakai i le Solotane i le aso kau agafulu o le uluaki masina ti na lotou nonofo loa i Kilikale i le fetuu esite o Seliko.

Sosue 4:5

Na pati loa a ia kia latou : Ke kotou ano i mua o le aleka o le Eteleno, lokoutou Atua, ki loto malie o le Solotane, ti ke tasi amo e le tagata o koutou se fa fatu ki lona tuauma, o mulimuli ki le lasi o faasiga o Iselaele,