Tetelonome 8:2 - Tosi Tapu

² Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Tetelonome 8:2 Iomraidhean Croise

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Neemia 9:19

I lou manava alofa lasi, na leaise ke tiaki loa latou i le toafa, ti na leaise puli loa le fa pou ao leia na taki ia latou i le ao i le ala, ti mo le fa pou afi leia na taki ia latou i le pouli i le ala leia na tonu ke lotou saele ai.

Sopo 33:17

O tupu ke tafoki le tagata i le veli ti ke puipui a ia i le fia nealasi,

Pesalemo 103:2

Loku laumalie, fakafetai ki le Eteleno, Ti aua na ke galoi se nea fua e tasi i ana nea malilie !

Pesalemo 106:7

Na leaise tokaga loa omatou tamana i Esipito ki au milakulo, Na leaise lotou toe manatui loa le lasi o ou kalasia, Na lotou agatuu loa kiate koe o ofi ki le tai, o ofi ki le Tai Kula.

Pesalemo 136:16

Ko ia leia na taki ia lona kakai i le toafa, Talie e lee gato lona manava alofa !

Pesalemo 77:11

E kau pati : Ko le nea leia e kau mamae ai, E leaise koi tatau le lima atamai o le Taualuga…

Pesalemo 81:7

Na kau too le amoga i lona tuauma, Ti na tiaki e ona lima le kete.

Ekesote 15:25

Na kalaga loa Moisese ki le Eteleno ; ti na fakasa loa e le Eteleno kiate ia se laakau, leia ke ti loa e ia ki le vai. Ti na liliu loa le vai o mami. Ko lena le ganea leia na soli ai loa e le Eteleno ki le kakai ni lao mo ni fakatotonu, ti ko lena le ganea leia na asiasii ai loa e ia le kakai.

Ekesote 16:35

Na kai loa e fanau a Iselaele le mane i fetuu e kau fa o kaku ki lalatou kaku ki se fenua leia kua nofoi ; na lotou kai loa le mane o kaku ki lalatou kaku ki koiga o le fenua o Kanaane.

Ekesote 16:4

Na pati loa le Eteleno kia Moisese : Ko leinei, e kau fakavilo ia loa kia koutou se pane mei le lagi. E ulu loa le kakai ki fafo, o tae le pane i aso taki tasi, o fakafuafua ki le nea leia e aoga ki lana kai. E kau tio loa i ai pe kotou fakalogo ki aku lao pe leai.

Ekesote 20:20

Na pati loa Moisese ki le kakai : Aua na kotou i ; talie na au le Atua kia koutou, o asiasii koutou, o tupu ke kotou maua le i kiate ia, ti ke aua na kotou agasala.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Esekiele 20:19

Ko au ko le Eteleno, lokoutou Atua. Kotou mulimuli ki aku pelesepeto, ti kotou tausi aku fakatotonu, o fai latou.

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Numelo 14:33

ti e eva loa okoutou fanau i fetuu e kau fa i le toafa, ti e lotou amo loa le tua o akoutou agatuu, o kaku ki lokoutou mamate fuli i le toafa.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Tetelonome 1:3

I le kau fa fetuu mei le mavae mei Esipito, i le kau agafulu tupu tasi o masina, i le uluaki aso o le masina, na tuku loa e Moisese ki fanau a Iselaele a nea fuli ala na fakatotonu e le Eteleno ke fakasa kia latou.

Tetelonome 1:33

leia na ano i mua o koutou i le ala, o afa se ganea leia ke fakatuu ai okoutou falela ; i le pouli i se afi ke fakasa ia le ala leia e tonu ke kotou saele ai ; i le ao i se pou afu ke fakamalumalu ai koutou.

Tetelonome 13:3

ke aua na ke fakalogo loa ki masau a le polofeta lena pe ko le tagata fai kikite lena, talie ko le Eteleno, lokoutou Atua, lena e asiasii ia koutou ke iloa pe kotou alofa ki le Eteleno, lokoutou Atua, i lokoutou loto katoa mo lokoutou laumalie katoa.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 29:5

Na kau taki a koe i le toafa i le lolotoga o fetuu e kau fa : na leaise popo fua ou teu iate koe, ti na leaise popo fua lou taka i lou vae ;

Tetelonome 32:7

Toe manatui a aso o le temi mua, Toe liliu ki fetuu mo tautupu kua sili, Vesili ki lou tamana, ti e fakasa atu loa e ia kiate koe, Ti mo ou kau matua, ti e lotou fakamatala atu loa kiate koe :

Tetelonome 7:18

Ke aua na ke i kia latou. Kae ke ke manatui le nea leia na fai e le Eteleno, lou Atua, kia Falaone mo Esipito katoa,

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Sakopo 1:3

talie ke kotou iloa e fakatupu e le asiasii o lakoutou tui le kataki fualoa.

Sakopo 4:10

Kotou fakataulalo i mua o le Aliki, ti e siki loa e ia koutou ki aluga.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Tuifakamaau 2:22

Kae e kau fakaaoga loa a puleaga ana ke asiasii ia Iselaele, ke iloa ai pe maoki pe loi, e fia mulimuli a fanau a Iselaele ki le leo o le Eteleno, ofaipe le nea leia na fai e olatou tamana.

Tuifakamaau 3:4

Na fakaaoga loa e le Eteleno a puleaga ana ke asiasii ai a fanau a Iselaele, ke iloa ai pe lotou fia fakalogo maoki ki folafola a le Eteleno ala na tuku e ia ki olatou tamana ia Moisese.