Tetelonome 8:19 - Tosi Tapu

¹⁹ Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.

Tetelonome 8:19 Iomraidhean Croise

Selemia 25:6

Aua na kotou ano i muli o ni iki ake atua kese, o tausi kia latou mo tulolo i olatou mua. Aua na kotou fakatupu loku sausau ki le gaoiaga o okoutou lima, ti e leaise kau fai loa kia koutou se nea veli.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Taniela 9:2

i le uluaki fetuu o lana sau, ko au Taniela, na kau tio loa i tosi e tonu ke oki ni fetuu e kau fitu ki le maumaui o Selusalemi, o mulimuli ki le lasi o fetuu ala na fakasa e le Eteleno ki le polofeta ko Selemia.

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Tetelonome 11:16

Koia, ke kotou tokaga ai, na kakaai loa okoutou loto, o kotou maliu loa o tausi ki ni atua kese ti mo punou loa kia latou.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Sosue 23:13

ke kotou iloa fakapapau e leaise toe kapu loa e le Eteleno, lokoutou Atua, a puleaga ana i okoutou mua ; kae e liliu loa a puleaga ana kia koutou ko ni kupega mo ni masele, ko ni fue i okoutou vakavaka, ko ni laakau talatala i okoutou mata, o kaku ki lokoutou pupuli loa i le fenua malie leia na soli atu kia koutou e le Eteleno, lokoutou Atua.

Uluaki tosi a Samuele 12:25

Kae kapau e kotou fai le agaveli, e kotou mamate loa, koutou mo lokoutou sau.