Tetelonome 7:7 - Tosi Tapu

⁷ Na leaise tuku e le Eteleno lona alofa mo lana filifili kia koutou, o tupu e kotou api ake i puleaga fuli ; talie koutou ikiiki oki i kakai fuli o le kele.

Tetelonome 7:7 Iomraidhean Croise

Uluaki tosi o Koloniko 16:19

Na lotou toka teiki i le temi lena, Na lotou toka teiki fua, ti mo matapule i le fenua,

Pesalemo 105:12

Na lotou toka lavaki fua i le temi a ia, Io na lotou toka lavaki ai, ti na lotou matapule i le fenua,

Pesalemo 105:6

Sakoga o Apalaamo, lana tagata fakasausau, Fanau o Sakopo, lana kau filifiliia !

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Esekiele 36:22

Koia ke ke pati ki le fale o Iselaele : E folafola le Aliki, le Eteleno, o pati : E leaise kau fai a nea anei o tupu ko koutou, fale o Iselaele, kae tupu ko loku suafa maokioki, leia kua kotou aga o fakakelekele i puleaga ala na kotou ano ki ai.

Mateo 7:14

Kae e lau ikiiki le matapa, ti e lau ikiiki mo le ala leia e ano ki le mauli, ti e toka teiki fua latou ala e maua ia a ia.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Loma 9:21

Pe leaise pule le tagata fai ipu ki le kele, ke fau e ia, mei se kele e tasi, se ipu mauiga ti mo se ipu masani ?

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.