Tetelonome 7:3 - Tosi Tapu

³ Ke aua na ke fai ia loa se avaga mo puleaga ana : ke aua na ke soli loa ou taineliki ki olatou vosa, ti ke aua na ke too ia loa olatou taineliki ki ou vosa ;

Tetelonome 7:3 Iomraidhean Croise

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Uluaki tosi o Sau 11:2

na lotou kau ki puleaga ala na pati ki ai le Eteleno ki fanau a Iselaele o feneeki : E leaise kotou ulu loa kia latou, ti e leaise lotou ulu mai loa kia koutou ; talie e lotou toso maoki loa okoutou loto ke kotou su ki olatou atua : Kae na pipiki loa Salomone ki puleaga ana, o tupu ko lona mamana ki fafine.

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Esetalasi 10:3

Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Esetalasi 9:12

Koia, aua na kotou soli loa okoutou taineliki ki olatou tamaliki, ti aua na kotou too loa olatou taineliki ke avaga mo okoutou vosa, ti aua na kotou afa loa ke lotou fimalie ti ke lotou mou koloa ; o tupu ke kotou liliu loa o makeke, ti mo kotou kai loa a fua malilie o le fenua, ti mo kotou tuku loa le fenua ko se tofiga ki okoutou vosa, o lee gato.

Neemia 10:30

Na motou fakapapau loa ke aua na soli loa omatou taineliki ki le kakai o le fenua, ti ke aua na motou too olatou taineliki ke avaga mo omatou vosa ;

Tuifakamaau 14:3

Na pati loa lona tamana mo lona tinana kiate ia : Pe leaise maua se taine i taineliki o lou famili mo lou kakai katoa ke ke ano ai o too se taine i taineliki o le kau Filisitini lena e leaise silikosisio ? Ti na pati loa Samisoni ki lona tamana : Ke ke too a ia kiate au, talie ko ia leia e kau loto ki ai.