Tetelonome 7:24 - Tosi Tapu

²⁴ E tuku loa e ia olatou sau ki ou lima, ti e ke fakapuli loa olatou igoa i lalo o le lagi : e leaise toe tuu loa se tasi i ou mua, o kaku ki lau maumaui latou fuli.

Tetelonome 7:24 Iomraidhean Croise

Pesalemo 9:5

Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Ekesote 17:14

Na pati loa le Eteleno kia Moisese : Tosi le nea lena i se tosi, o tupu ke tausi lona fakamanatu, ti ke fakasa kia Sosue e kau soloi loa le igoa o Amaleke i le lalo lagi.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Sofoni 1:4

E kau falo loa loku lima kia Suta, Ti mo le kakai fuli o Selusalemi ; E kau tuuti loa i le ganea leinei a toega o Paale, Mo le igoa o ana minisi ti mo ana pelepitelo mo latou,

Loma 8:37

Kae i nea fuli ana, e motou malo lasi i leia e alofa kia tatou.

Uluaki tosi ki le kau Kolinto 15:57

Kae ke tuku le fakafetai ki le Atua, leia kua soli ia kia tatou le malo i lotatou Aliki ko Sesu-Kilisito !

Tetelonome 11:25

E leaise toe tuu loa se toka tasi i ou mua. Ko le Eteleno, lokoutou Atua, e fakamafola ia loa, o mulimuli ki lana pati, le i mo le fakaapaapa kiate koe i le fenua katoa leia e kotou saele loa i ai.

Tetelonome 25:19

Koia ka saofaki ai loa a koe e le Eteleno, lou Atua, mei ou fili fuli ala e takatakai ia a koe, ti ka tuku atu loa e ia kiate koe le malolo i le fenua leia e soli atu loa kiate koe e le Eteleno, lou Atua, ke ke maua tofiga, ke ke soloi oki loa le igoa o Amaleke i lalo o le lagi : Ke aua na galo iate koe le nea lena !

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 9:14

Tuku ke kau maumaui latou mo soloi lolatou igoa i lalo o le lagi ; ti e kau fai loa meiate koe se puleaga leia e makeke ake mo api ake i le kakai lena.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 10:23

Na lotou fai ki ai, ti na lotou ave loa kiate ia a sau e lima ala na lotou fakaulu ake ki fafo mei le ana, le sau o Selusalemi, mo le sau o Epelone, mo le sau o Salamuti, mo le sau o Lakisi, ti mo le sau o Ekeloni.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Sosue 11:17

mei le mauga leia e tuu i Seili o kaku ki Paale-Kati, i le vaivailiua o Lipane, i vae o le mauga ko Elemoni. Na too loa e ia olatou sau fuli, ti na taai loa e ia latou ki le mata o le seleta o latou mamate ai.

Sosue 12:24

ko le sau o Tilitesa, tasi. Ko le katoa o sau : ko le tino tolu tupu tasi.

Sosue 21:44

Na tuku loa e le Eteleno kia latou le malolo i olatou koiga fuli, o fai ki lana fakapapau ki olatou tamana. Na leaise toe tuu se tasi o ona fili i olatou mua : talie na tuku loa latou e le Eteleno ki olatou lima.

Sosue 23:3

Kua kotou tio ki nea fuli ala na fai e le Eteleno, lokoutou Atua, ki puleaga fuli ana i okoutou mua ; talie na tau le Eteleno, lokoutou Atua, o tupu ko koutou.

Sosue 23:9

Kua kapu e le Eteleno i okoutou mua ni puleaga lalasi mo makeke ; ti na leaise tasi fua na toe mafai ke tuu i okoutou mua.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.