Tetelonome 7:23 - Tosi Tapu

²³ E tuku loa latou kiate koe e le Eteleno, lou Atua ; ti e kapu loa e ia latou o kaku ki lolatou maumaui fuli.

Tetelonome 7:23 Iomraidhean Croise

Ekesote 23:27

E kau kakau loa i ou mua le i kiate au : e kau kapu loa a kakai fuli ala e kotou taui loa, ti e kau fakasosola loa ou fili fuli i ou mua.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Tetelonome 2:15

Na gaoi le lima o le Eteleno kia latou, o maumaui latou mei le kakai, o kaku ki lolatou pupuli.

Tetelonome 31:5

E tuku loa latou e le Eteleno kiate koe, ti e kotou fai loa kia latou o mulimuli ki fakatotonu ala na kau tuku atu kia koutou.

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Sosue 10:10

Na veuki loa latou e le Eteleno i mua o fanau a Iselaele ; ti na tamate loa e Iselaele le kau Amole o lava veli ai i mua o Kapaone, ti na tuli loa e ia latou i le ala leia e pale ki Pete-Oloni, ti na tamate loa e ia latou o kaku ki Aseka mo Maketa.

Tuifakamaau 4:15

Na veuki loa e le Eteleno i mua o Palaki, ki le mata o le seleta, Sisela, mo ana saliote fuli ti mo lona nofolaga solia katoa. Na ifo loa Sisela mei lana saliote, o sola lalo.