Tetelonome 7:2 - Tosi Tapu

² E tuku atu loa e ia latou kiate koe, ke ke pule kia latou, ti e ke malo loa ia latou, ti e ke tamate loa latou. Ke aua na ke fai loa se sai mo latou, ti ke aua na ke maua ia loa se ga alofa fakaikiiki fua kia latou.

Tetelonome 7:2 Iomraidhean Croise

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Lua tosi a Samuele 21:2

Na kalagai loa e le sau le kau Kapaone ke masau kia latou. - Na leaise kau le kau Kapaone ki fanau a Iselaele, kae ko se toetoega latou a le kau Amole ; na sai kia latou a fanau a Iselaele e se fakapapau, kae na loto Saulo ke tamate latou i lona fia tausi malie ki fanau a Iselaele mo Suta. -

Uluaki tosi o Sau 20:34

Na pati loa Pene-Atate kiate ia : E kau liufaki atu loa kiate koe a kolo ala na too e loku tamana mei lou tamana ; ti e ke fai loa ni ala kiate koe i Tamaso, ofaipe ala ala na fai e loku tamana i Samalia. Ti na tali loa Akapo : Ti ko au, e kau tuku loa a koe ke ano, i le oki o le sai. Na fai loa e Akapo se sai mo Pene-Atate, ti na tuku loa e ia a ia ke ano.

Esetalasi 10:3

Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Pesalemo 106:34

Na leaise lotou maumaui loa a kakai, Ala na fakatotonu e le Eteleno kia latou ke maumaui.

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Numelo 21:2

Ti na fai loa e Iselaele se fakapapau ki le Eteleno, o pati : Kapau e ke tuku mai loa le kakai lena ki oku lima, ti e kau maumaui fuli loa ona kolo.

Numelo 31:17

I le temi nei, ke kotou tamate a toe tagata fuli i toe liliki, ti ke kotou tamate a fafine fuli ala kua momoe mo se tagata ;

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Tetelonome 13:8

ke aua ai na ke tali loa ti mo ke fakalogo loa ki ni masau fenaaki, ti ke aua na maua loa e lou mata se alofa ki le tagata lena, ti ke aua na ke fakamauli loa a ia pe ke ufiufi loa a ia.

Tetelonome 13:9

Kae ke ke tamate loa a ia : e uluaki siki loa lou lima, o tamate a ia, ti o siki loa le lima o le kakai katoa ;

Tetelonome 19:13

Ke aua na maua loa e lou mata se alofa kiate ia, kae e ke too loa mei Iselaele le toto o le tagata mea, ti e ke manuia loa.

Tetelonome 2:33

Na tuku mai loa latou e le Eteleno, lotatou Atua, ki otatou lima, ti na tou tamate loa a ia, mo ona vosa, mo lona kakai katoa.

Tetelonome 2:34

Na tou too loa i le temi lena ona kolo fuli, ti na tou tamate loa latou fuli, tagata, mo fafine, mo toe, o leaise sao fua se fa toka tasi.

Tetelonome 23:14

Talie e saele le Eteleno, lou Atua, i loto malie o lou nofolaga solia, o puipui a koe mo saofaki a koe mei ou fili. Koia e tonu ai ke mea lou nofolaga solia, ke aua na tio loa le Eteleno ki se nea fakalialia i lou nofolaga ti ke maliu kese loa a ia meiate koe.

Tetelonome 25:12

e ke tuuti loa lona lima, ti ke aua na alofa loa lou mata ki le fafine.

Tetelonome 3:3

Ti na toe tuku loa e le Eteleno, lotatou Atua, ki otatou lima a Oki, sau o Pasani, mo lona kakai katoa ; na tou tamate loa a ia, o leaise sao fua se fa toka tasi o lona kakai.

Tetelonome 31:5

E tuku loa latou e le Eteleno kiate koe, ti e kotou fai loa kia latou o mulimuli ki fakatotonu ala na kau tuku atu kia koutou.

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 10:30

Na toe tuku loa e le Eteleno a Lipina mo lona sau ki lima o fanau a Iselaele. Ti na lotou taai a ia ki le mata o le seleta ti mo le kakai fuli na nofo i ai. Na leaise lotou tuku ke sao se fa toka tasi, ti na lotou fai loa ki lona sau le nea leia na lotou fai ki le sau o Seliko.

Sosue 10:32

Na tuku loa e le Eteleno a Lakisi ki lima o fanau a Iselaele. Ti na lotou too loa a ia i le lua o aso, ti na lotou taai loa ki le mata o le seleta le kakai fuli na nofo i ai, o leaise toe sao se fa toka tasi, ofaipe le nea na lotou fai ki Lipina.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 11:8

Na tuku loa latou e le Eteleno ki lima o Iselaele ; na lotou tamate loa latou ti na lotou tuli loa latou o kaku ki le kolo lasi ko Sitone, mo Misilefoti-Maimi, ti mo le vaivailiua o Misipa i le esite ; Na lotou tamate loa latou, o leaise sao loa se fa toka tasi.

Sosue 2:14

Na tali loa a tagata esipio kiate ia : E ma fakapapau atu kiate koe le nea lena i oma mauli, mo kapau e leaise ke fakasa ia se nea o uiga mo maua. I le aso leia e soli ai loa e le Eteleno kia matou le fenua leinei, e ma agatonu loa kiate koe, ti e ma tuku loa kiate koe loma alofa.

Sosue 21:44

Na tuku loa e le Eteleno kia latou le malolo i olatou koiga fuli, o fai ki lana fakapapau ki olatou tamana. Na leaise toe tuu se tasi o ona fili i olatou mua : talie na tuku loa latou e le Eteleno ki olatou lima.

Sosue 8:24

I le oki loa o le tamate e Iselaele o le kakai fuli o Ai o kaku ki le fakamulimuli, i fafo o le kolo, i le toafa leia na lotou tuli ki ai le kakai o Iselaele, na toe liliu loa Iselaele ki Ai o tamate latou fuli ala na toe i ai.

Sosue 9:24

Na tali loa le kau Kapaone kia Sosue, o pati : Kua logo au tagata fakasausau ki fakatotonu a le Eteleno, lou Atua, ki lana tagata fakasausau ko Moisese, ke soli kia koutou le fenua katoa leinei, ti ke tamate ona kakai fuli i mua o koutou, ti na motou i lasi loa kia koutou ti na matou loto gaegae loa o uiga mo omatou mauli : ko le tupuaga a ia o lamatou fai le puleaki lena.

Sosue 9:7

Kae na tali loa a tagata o Iselaele ki le kau Evi : E lagi kotou nonofo loa i loto malie o matou, ti e feaki loa ke motou fai se sai mo koutou ?

Tuifakamaau 1:24

Na tio loa a tagata leo ki se tagata leia na ulu mei le kolo, ti na lotou pati loa kiate ia : fakasa mai kia matou le uluaga ki le kolo, ti e motou fakamauli loa a koe.

Tuifakamaau 1:4

Na pale loa Suta, ti na tuku loa e le Eteleno ki olatou lima le kau Kanaane mo le kau Pelesi. Na lotou tamate loa ni tagata e tino agafulu afe i Peseki.

Tuifakamaau 2:2

ti ko koutou, ke aua na kotou fai loa se sai mo le kakai o le fenua leinei, kae ke kotou maumaui loa olatou aletale. Kae na leaise kotou fakalogo ki loku leo. Kolea na kotou fai ai le nea lena ?