Tetelonome 7:19 - Tosi Tapu

¹⁹ a asiasi lalasi ala na tio ki ai ou mata, mo milakulo, mo nea fakaofolele, mo le lima makeke mo le lima falo, i le aso leia na fakamavae ai a koe e le Eteleno, lou Atua. Ko lena le nea leia e fai loa e le Eteleno, lou Atua, ki kakai fuli ala e ke i ki ai.

Tetelonome 7:19 Iomraidhean Croise

Pesalemo 136:12

Ki lona lima makeke mo lona lima falo, Talie e lee gato lona manava alofa !

Pesalemo 44:4

Talie na leaise lotou maua le fenua o tupu ko alatou seleta, Na leaise saofaki latou e olatou lima : Kae ko lou lima atamai, ko lou makeke, ko le malama o ou mata, Talie na ke alofa kia latou.

Pesalemo 77:12

E kau toe fakamanatu loa a gaoiaga a le Eteleno, Talie e kau manatui au nea malilie i le temi afea ;

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Tetelonome 29:3

Na tio okoutou mata ki asiasii lalasi ala na tuku e le Eteleno kia latou, mo milakulo, mo nea fakaofolele lalasi.

Tetelonome 3:21

I le aso lena, na kau tuku loa ni fakatotonu kia Sosue, o pati : Na tio ou mata ki nea fuli ala na fai e le Eteleno, lokoutou Atua, ki sau e lua o le kau Amole. E fai fenaaki loa e le Eteleno ki sau o puleaga fuli ala e ke fakalaka ai loa.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Sosue 10:25

Na pati loa Sosue : Ke aua na kotou i, ti ke aua na kotou tuania, kae ke kotou fakaloto makeke ti ke kotou fia tagata, talie e feneeki loa le fai e le Eteleno ki okoutou fili fuli ala ka kotou taui ia loa.

Sosue 24:17

Talie ko le Eteleno ko lomatou Atua ; ko ia leia na fakamavae ia matou mei Esipito, mei le fale o le popula, matou mo omatou tamana ; ko ia leia na fakasoko ia i omatou mua a milakulo lalasi ana, ti na taupau ia matou i le ala katoa leia na motou saele ai, ti na puipui ia matou mei puleaga ala na motou fakalaka ai.

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :