Tetelonome 7:17 - Tosi Tapu

¹⁷ Kapau e ke pati loa i lou loto : e api ake a puleaga anei iate au, pe feaki loa laku kapu latou ?

Tetelonome 7:17 Iomraidhean Croise

Esaia 14:13

Na ke pati i lou loto : E kau pale loa ki le lagi ; E kau siki loa loku ekeekeaga fakasau ke taualuga ake i fetuu a le Atua ; E kau tonatona loa i le mauga o le fakatasiga, I le potupotu o le noleto ;

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Esaia 49:21

Ti e ke pati loa i lou loto : Ko ai leia na fanaui ia latou kiate au ? Talie na kau sala fanau, na kau paa. Na ave popula au, na kapu au e loku avaga : ko ai na taupau ia latou ? Na kau nofo toka tasi : Ko latou anei, na lotou nonofo ifea ?

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Numelo 13:32

Ti na lotou kamata lauveli loa ki le fenua leia na lotou ano o tioi. Na lotou pati loa : Ko le fenua leia na matou taka ai, o tioi, ko se fenua leia e tamate ia latou ala e nonofo i ai ; e tagata lalasi fuli le kakai katoa leia na motou tio ki ai.

Numelo 21:34

Na pati loa le Eteleno kia Moisese : Aua na ke i kia Oki ; talie e kau tuku a ia ki ou lima, a ia mo lona kakai katoa ti mo lona fenua ; e ke fai loa kiate ia ofaipe lau fai kia Sioni, sau o le kau Amole, leia na nofo i Eseponi.

Numelo 33:53

Ke kotou too loa lolatou fenua, o kotou nofoi loa, talie kua kau soli atu a ia kia koutou, ko lokoutou fenua a ia.

Luka 9:47

I le iloa e Sesu le manatu lena i olatou loto, na too loa e ia se ga toe, o fakatuu i ona tafa,

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Tetelonome 18:21

E feala ke ke pati loa i lou loto : Pe feaki loa laku iloa le folafola leia na leaise fakasa loa e le Eteleno ?

Tetelonome 8:17

Ke aua na ke pati loa i se aso i lou loto : ko loku makeke mo le makeke o loku lima leia kua kau maua ai a koloa anei.

Sosue 23:3

Kua kotou tio ki nea fuli ala na fai e le Eteleno, lokoutou Atua, ki puleaga fuli ana i okoutou mua ; talie na tau le Eteleno, lokoutou Atua, o tupu ko koutou.