Tetelonome 7:15 - Tosi Tapu

¹⁵ E fakamamao loa e le Eteleno iate koe a masaki fuli ; e leaise tuku loa e ia kiate koe a masaki veveli ala na ke iloa i Esipito, kae tuku loa e ia latou kia latou fuli ala e vesia kiate koe.

Tetelonome 7:15 Iomraidhean Croise

Pesalemo 91:10

E leaise soko loa se veli kiate koe, E leaise fakafeofi loa se malaia ki lou falela.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Ekesote 9:11

Na leaise feala loa ke sa a tagata fai nea fakatalatupua i mua o Moisese, o tupu ko papala, talie na kaku foki a papala ki tagata fai nea fakatalatupua ofaipe le kau Esipito katoa.

Tetelonome 28:27

E tautea loa a koe e le Eteleno ki le papala o Esipito, mo le mamae o le faikauga, mo le kama, mo le kili mageo, ti e leaise ke maua ia loa se faitoo.

Tetelonome 28:60

E kakau mai loa e ia kiate koe a masaki veveli fuli o Esipito, ala na ke lulu ai ; ti e lotou pipiki loa kiate koe.

Tetelonome 30:7

E fakavilo loa e le Eteleno, lou Atua, a malaia fuli ana ki ou fili, kia latou ala e vesia loa kiate koe ti mo fakaveliveli loa kiate koe.