Tetelonome 7:1 - Tosi Tapu

¹ Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Tetelonome 7:1 Iomraidhean Croise

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Uluaki tosi o Koloniko 1:14

mo le kau Sepusi, mo le kau Amole, mo le kau Kilekasi,

Lua tosi o Koloniko 8:7

Ko le kakai katoa leia na toe mei le kau Eti, mo le kau Amole, mo le kau Felesi, mo le kau Evi, mo le kau Sepusi, ala na leaise kau ki Iselaele,

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Neemia 13:23

I le temi lena, na kau tio loa ki ni Sutea ala na avaga mo ni fafine o Asetoti, mo Amone, mo Moape.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Ekesote 15:7

Ki le lasi o lou mafimafi, e ke laku ki le kele latou ala e agatuu kiate koe ; E ke liligi lou sausau : E tutu e ia latou ofaipe se mutie malo.

Ekesote 23:28

E kau kakau loa i ou mua ni pi fualalasi, ti e lotou kapu loa ke mamao mei ou mata le kau Evi, mo le kau Kanaane, mo le kau Eti.

Ekesote 23:32

Aua na ke fai loa se sai mo latou, pe mo olatou atua.

Ekesote 23:33

E leaise lotou nofo loa i lou fenua, talie ke aua na lotou fakasalai loa a koe o ke agasala ai loa kiate au ; talie kapau e ke tausi loa ki olatou atua, ti e liliu loa le nea lena ko se masele kiate koe.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Ekesote 6:8

E kau fakaulu loa koutou ki le fenua leia na kau fakapapau ke soli kia Apalaamo, mo Isaake, mo Sakopo ; ti e kau soli loa a ia kia koutou, ko lokoutou fenua, ko au ko le Eteleno.

Levitiko 14:34

Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Numelo 13:29

E nofo le kau Amaleke i le saute o le fenua. E nofo le kau Iti, mo le kau Sepusi, ti mo le kau Amole i le mauga. E nofo le kau Kanaane i le mata tai mo kauvai o le Solotane.

Numelo 14:31

Ti ko akoutou fanau liliki, ala na kotou pati : E lotou liliu loa ko le nea kai a le fili malo ! e kau fakaulu loa latou ki ai, ti e lotou iloa loa le fenua leia kua kotou aga o tiaki.

Gaoi 13:19

ti na maumaui loa e ia ni puleaga e fitu i le fenua o Kanaane, o tufa olatou fenua kia latou.

Tetelonome 11:29

I le aso leia e fakaulu ai loa a koe e le Eteleno, lou Atua, ki le fenua leia ka ke ulu loa ki ai o maua tofiga, ke ke tuku loa le tapuaki ki le mauga ko Kalisimi, mo le malaia ki le mauga ko Epale.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 20:16

Kae ki kolo o puleaga ala e soli atu loa kiate koe e le Eteleno, lokoutou Atua, ke ke maua tofiga lolatou fenua, ke aua na ke tuku loa le mauli ki se nea leia e tukumanava.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 31:3

E saele loa le Eteleno, lou Atua, i ou mua, ti e maumaui loa e ia a puleaga ana i ou mua, ti e ke too loa lolatou fenua meia latou. E fakalaka loa Sosue i ou mua, o mulimuli ki le pati a le Eteleno.

Tetelonome 4:38

na kapu e ia i ou mua ni puleaga ala e lalasi ake mo makeke ake iate koe, o tupu ke fakaulu e ia a koe ki lolatou fenua ke ke maua tofiga a ia, ofaipe lau tio ki ai i le aso nei.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:10

I le aso leia e fakaulu ai loa a koe e le Eteleno ki le fenua leia na fakapapau e ia ki ou tamana, ko Apalaamo, mo Isaake, mo Sakopo, ke soli atu kiate koe, e ke maua loa i ai ni kolo lalasi mo fulumalilie ala na leaise ke fakatuu ia,

Tetelonome 6:19

mo ka oki loa lana kapu ou fili i ou mua, ofaipe lona fakasa e le Eteleno.

Tetelonome 6:23

Ti na fakamavae loa e ia matou mei ai, o aumai matou ki le fenua leia na fakapapau e ia ki omatou tamana ke soli kia matou.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Tetelonome 9:4

Ka kapu loa latou e le Eteleno, lou Atua, i ou mua, ke aua na ke pati loa i lou loto : ko loku maokioki leia e fakaulu ai au e le Eteleno o maua tofiga le fenua leinei. Talie e kapu latou e le Eteleno i ou mua, o tupu ko le agaveli o puleaga ana.

Sosue 11:3

mo le kau Kanaane o le esite mo le uesite, mo le kau Amole, mo le kau Eti, mo le kau Pelesi, mo le kau Sepusi i le mauga, ti mo le kau Evi i vae o le Elemoni i le fenua o Misipa.

Sosue 24:11

Na kotou fakalaka loa i le Solotane ti na kotou kaku loa ki Seliko. Na tau loa kia koutou le kakai o Seliko, mo le kau Amole, mo le kau Eti, mo le kau Kilikasi, mo le kau Evi, ti mo le kau Sepusi. Kae na kau tuku loa latou ki okoutou lima,

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :