Tetelonome 6:13 - Tosi Tapu

¹³ Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 6:13 Iomraidhean Croise

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Lua tosi o Sau 17:36

Kae e kotou i loa ki le Eteleno, leia na fakamavae ia koutou mei le fenua o Esipito ki lona makeke lasi ti mo lona lima falo ; ko ia leia e tonu ke kotou atolasio ki ai, ti ko ia leia e kotou momoli loa ki ai ni sakilifisio.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Pesalemo 63:11

E tuku loa latou ki le seleta, E lotou liliu loa ko le nea kai a kuli vao.

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 5:2

Tatau aifai pe lotou pati : E mauli le Eteleno ! E lotou fai se fakamaoki loi.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Mateo 5:33

Kua kotou logo foki na fakasa ki le kau matua afea : Aua na motusi lau fakapapau, kae fai ki le Aliki le nea leia na ke fakasa i lau fakapapau.

Luka 4:8

Na tali loa Sesu kiate ia : E tuu i le tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Tetelonome 10:12

I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 5:11

Ke aua na ke too fakafuanoa loa le suafa o le Eteleno, lou Atua ; talie e leaise tuku loa e le Eteleno ke sala tautea leia e takua noa ki lona suafa.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Sosue 2:12

I le aso nei, ke kolua fakapapau mai kiate au, i le suafa o le Eteleno, e kolua toe liufaki loa ki loku famili se alofa e tatau mo leia na kau maua kia koulua. Ke kolua tuku mai kiate au se fakamailoga leia e fakasa ai loa lokoulua agatonu.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Uluaki tosi a Samuele 20:3

Na toe pati loa Tavite, o fakapapau : Kua iloa malie e lou tamana kua kau maua le kalasia i ou mua, ti na pati loa a ia : Ke aua na iloa e Sonatane le nea lena, talie e mamae ai loa lona loto. Kae e mauli le Eteleno ti e mauli lou laumalie ! Ko le fa sake fai e tasi e kau vasa ai mo le mate.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.