Tetelonome 5:29 - Tosi Tapu

²⁹ Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:29 Iomraidhean Croise

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Pesalemo 19:12

E ako foki e lau tagata fakasausau a nea ana ; E lasi le fakapale o leia e tausi ia latou.

Pesalemo 78:7

O tupu ke lotou tuku lalatou fanaki ki le Atua, Ke aua na lotou galoi a gaoiaga a le Atua, Ti ke lotou tausi ana folafola,

Pesalemo 81:16

E fakalai loa kiate ia latou ala e vesia ki le Eteleno, Ti e fualoa loa le manuia o Iselaele o lee gato ;

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Selemia 42:6

Pe ko se nea e malie pe ko se nea e veli, e motou fakalogo loa ki le leo o le Eteleno, lomatou Atua, leia e motou kakau a koe ki ai, o tupu ke motou fiafia, mo kapau e motou fakalogo ki le leo o le Eteleno, lomatou Atua.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 19:42

Ka na ke iloa fua, io, e koe, i le aso nei, a nea ala e kau ki lou tokamalie ! Kae, i le aso nei, kua munia latou ki ou mata.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Lua tosi ki le kau Kolinto 5:20

Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Efeso 6:3

o tupu ke ke manuia mo mauli fualoa i le malama nei.

Tetelonome 10:12

I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 12:28

Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 19:13

Ke aua na maua loa e lou mata se alofa kiate ia, kae e ke too loa mei Iselaele le toto o le tagata mea, ti e ke manuia loa.

Tetelonome 22:7

e ke tuku loa ke ano le tinana, kae e ke too loa a uviki, o tupu ke ke manuia mo ke mauli fualoa.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:30

Ano, o pati kia latou : ke kotou toe liliu ki okoutou falela.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:17

Kae ke kotou tausi malie loa a folafola a le Eteleno, lokoutou Atua, mo lao mo lekula ala na fakatotonu atu e ia kia koutou.

Tetelonome 6:18

Ke ke fai loa le nea leia e totonu mo le nea leia e malie ki mata o le Eteleno, o tupu ke ke manuia loa, ti mo ke ulu loa o maua tofiga le fenua malie leia na fakapapau e le Eteleno ki ou tamana ke soli atu kiate koe,

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Tetelonome 8:6

Ke ke tausi loa a fakatotonu a le Eteleno, lou Atua, ti mo ke saele i ona ala, ti mo ke i kiate ia.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Lute 3:1

Na pati loa Naomi, lona tinana, kiate ia : Ei loku fugao, e kau loto loa ke afa lou fimalie ki muli, o tupu ke ke manuia.