Tetelonome 5:27 - Tosi Tapu

²⁷ Fakafeofi a koe, o fakalogo ki nea fuli ala e fakasa loa e le Eteleno, lotatou Atua ; ti ke toe fakasa mai loa kia matou a nea fuli ala e fakasa atu loa e le Eteleno kiate koe. E motou fakalogo loa ki ana folafola ti e motou fai loa latou.

Tetelonome 5:27 Iomraidhean Croise

Ekesote 18:20

Ako e koe kia latou a fakatotonu mo lao ; ti fakasa e koe kia latou le ala leia e tonu ke lotou saele ai, mo le nea leia e tonu ke lotou fai.

Ekesote 19:8

Na tali loa le kakai katoa : E motou fai loa a nea fuli ala kua pati ki ai le Eteleno. Ti na ave loa e Moisese a masau ana ki le Eteleno.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Ekesote 24:3

Na ano loa Moisese o fakasa ki le kakai a masau fuli a le Eteleno mo ana lao fuli. Ti na tali fakatasi loa le kakai katoa : E motou fai loa a nea fuli ala kua pati ki ai le Eteleno.

Selemia 42:5

Ti na lotou pati loa kia Selemia : Ke soko le Eteleno ko se tagata fakamaoki faitotonu mo agatonu kia matou, mo kapau e leaise motou fai a nea fuli ala e tuku atu loa e le Eteleno, lou Atua, kiate koe, ke fakasa mai kia matou !

Selemia 42:6

Pe ko se nea e malie pe ko se nea e veli, e motou fakalogo loa ki le leo o le Eteleno, lomatou Atua, leia e motou kakau a koe ki ai, o tupu ke motou fiafia, mo kapau e motou fakalogo ki le leo o le Eteleno, lomatou Atua.

Tetelonome 5:26

Talie ko ai leia kua logo i se aso, ofaipe matou, ki le leo o le Atua mauli leia e masau mei loto malie o le afi, ti na toe mauli ?

Tetelonome 5:28

Na logo loa le Eteleno ki akoutou masau i le temi leia na kotou masau mai ai kiate au, ti na pati mai loa le Eteleno kiate au : Kua kau logo ki masau ala na fai atu e le kakai lena kiate koe : e malie a nea fuli ala kua lotou masau ki ai.

Epelo 12:19

pe ki le tagi o fakatagi pupusi, pe ki le logoa o masau, o tupu ai le kole e latou ala na logo ki nea ana ke aua na toe masau ake kia latou ;

Sosue 24:24

Na pati loa le kakai kia Sosue : E motou tausi loa ki le Eteleno, lomatou Atua, ti e motou fakalogo loa ki lona leo.