Tetelonome 5:14 - Tosi Tapu

¹⁴ Kae ko le fitu o aso ko le sapato loa a ia a le Eteleno, lou Atua : Ke aua na ke fai loa se gaoi, e koe, mo lou vosa, mo lou taine, mo lau tagata fakasausau, mo lau fafine fakasausau, mo lau pipi tagata, mo lau asino tagata, mo lau kau manu katoa, mo le matapule leia e nofo i lou fale, o tupu ke malolo lau tagata fakasausau mo lau fafine fakasausau ofaipe koe.

Tetelonome 5:14 Iomraidhean Croise

Senesi 2:2

Na fakaoki loa e le Atua lana gaoi i le fitu o aso, ti na malolo loa a ia i ana gaoi fuli ala na fai e ia.

Neemia 13:15

I le temi lena, na kau tio loa i Suta ki ni iki na takatakafi i tatauaga vite i le aso o le sapato, ti mo ni iki na fakaulu ia le fulumeto ki fale, ti mo ni iki na fetuku ia i ni asino ni vino, mo ni fuai vite, mo ni fuai fiki, ti mo nea kesekese, o aumai ki Selusalemi i le aso o le sapato ; ti na kau fai loa kia latou ni valoki i aso ala na lotou fakatau ai alatou nea kai.

Neemia 13:16

Na i ai foki se kau Tile, kua nofo i Selusalemi, ala na aumai ia ni ika mo koloa kesekese, o fakatau ki le kakai o Suta i le aso o le sapato, i Selusalemi.

Neemia 13:21

Ti na kau valoki loa latou, o pati : Kolea e kotou momoe ai i le pouli i mua o le paa o le kolo, kapau e kotou toe fai loa le nea lena, e kau fakapilisoni loa koutou. Talu mei le aso lena, na leaise lotou toe au loa i le aso o le sapato.

Neemia 5:5

Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Maleko 2:27

Ti na pati loa a ia kia latou : Na fai le sapato ki le tagata, kae na leaise fai le tagata ki le sapato :

Luka 23:56

Ti na lotou liliu loa, o teuteui ni nea fakamanogi ti mo ni lolo takai. Ti na lotou malolo loa i le aso o le sapato o mulimuli ki le lao.

Tetelonome 5:13

Ke ke gaoi loa i aso e ono, ti ke ke fai loa i ai au gaoi fuli.

Epelo 4:4

Talie na pati a ia i le tasi ganea ki le fitu o aso : Ti na malolo loa le Atua i le aso fitu i ana gaoi fuli.