Tetelonome 5:11 - Tosi Tapu

¹¹ Ke aua na ke too fakafuanoa loa le suafa o le Eteleno, lou Atua ; talie e leaise tuku loa e le Eteleno ke sala tautea leia e takua noa ki lona suafa.

Tetelonome 5:11 Iomraidhean Croise

Pesalemo 139:20

E lotou masau veli kiate koe, E lotou too lou suafa i le loi, latou ala e fili kiate koe !

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Sakopo 5:12

Ei oku fetaina, i mua o nea fuli, ke aua na kotou fakamaoki i le lagi, pe i le kele, pe i se tasi ake fua nea. Kae ke io lakoutou io, ti ke leai lakoutou leai, o tupu ke aua na kotou vilo ki le malaia.