Tetelonome 5:1 - Tosi Tapu

¹ Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 5:1 Iomraidhean Croise

Pesalemo 78:7

O tupu ke lotou tuku lalatou fanaki ki le Atua, Ke aua na lotou galoi a gaoiaga a le Atua, Ti ke lotou tausi ana folafola,

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 18:20

Ako e koe kia latou a fakatotonu mo lao ; ti fakasa e koe kia latou le ala leia e tonu ke lotou saele ai, mo le nea leia e tonu ke lotou fai.

Mateo 23:3

Koia ke kotou fai ti mo kotou taupau a nea fuli ala e lotou pati atu ki ai ; kae aua na kotou mulimuli ki alatou gaoi. Talie e lotou pati, kae e leaise lotou fai.

Tetelonome 1:1

Ko nei folafola ala na tuku loa e Moisese ki Iselaele katoa i le fetuu esite o le Solotane, i le toafa o Alapa, i mua o Sufi, i le vasa o Palani, mo Tofele, mo Lapane, mo Aseloti, mo Ti-Sasapi.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 12:1

Ko nei a lekula mo lao ala e kotou tausi loa ti mo fai loa i le fenua leia e soli kia koutou e le Eteleno, le Atua o okoutou tamana, ke kotou maua tofiga.

Tetelonome 17:19

E tonu loa ke nofo tuumau a ia mo le tosi lena, ti ke lau loa e ia a ia i aso fuli o lona mauli, o tupu ke ako e ia le fakaapaapa ki le Eteleno, lona Atua, ke tausi e ia a folafola fuli o le lao lena, ti ke fai e ia o mulimuli ki ona lekula fuli.

Tetelonome 28:15

Kae kapau e leaise ke fakalogo loa ki le leo o le Eteleno, lou Atua, ti kapau e leaise ke tausi loa ti mo fai loa ana folafola fuli mo ana lao fuli ala e kau tuku atu kiate koe i le aso nei, ko nei loa malaia fuli ala e au loa kiate koe o fakaapele a koe :

Tetelonome 29:10

I le aso nei e kotou tutuu fuli loa i mua o le Eteleno, lokotou Atua, mo okoutou pule faasiga, mo okoutou fakamatuatua, mo okoutou ofisa, mo tagata fuli o Iselaele,

Tetelonome 29:2

Na tanaki loa e Moisese a Iselaele katoa, o pati kia latou : Kua kotou tio ki nea fuli ala na fai e le Eteleno i okoutou mata, i le fenua o Esipito, kia Falaone, mo ana tagata fakasausau, mo lona fenua katoa.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:49

ti mo le potu esite o le Solotane, o kaku ki le tai Mate, i vae o le mauga ko Pisika.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Tetelonome 5:2

Na fai e le Eteleno, lotatou Atua, se fakapapau mo tatou i Olepe.

Tetelonome 6:17

Kae ke kotou tausi malie loa a folafola a le Eteleno, lokoutou Atua, mo lao mo lekula ala na fakatotonu atu e ia kia koutou.

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.