Tetelonome 4:6 - Tosi Tapu

⁶ Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !

Tetelonome 4:6 Iomraidhean Croise

Uluaki tosi o Sau 4:34

Na au ni kakai mei puleaga fuli ke fakalogo ki le poto o Salomone, mei sau fuli o le kele, ala na logo ki lona poto.

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 19:7

E malaga ake a ia i le tasi potupotu o le lagi, Ti e fakaoki e ia lana makape i leia ake potupotu o le lagi : E leaise lilo se nea fua e tasi i lona mafana.

Pesalemo 19:8

E saosaoa le lao a le Eteleno, e fakafoou e ia le laumalie. E maoki le fakamaoki a le Eteleno, e tuku e ia le poto ki le vale.

Taagapati 1:4

Ke soli ai se malama ki le kau vale, Se iloa mo se fakakaukau ki le tama koi eva.

Taagapati 1:5

Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Taagapati 14:34

E siki e le faitotonu se puleaga ki aluga, Kae ko le agasala ko le lumaaga a ia o le kakai.

Taagapati 14:8

Ko le poto o le tagata poto, ko le leoleo o lona ala ; Kae e sese le vale o tupu ko lona valea.

Esaia 42:21

Na loto le Eteleno, ki le fiafia o Iselaele, Ke fakasa se lao lasi mo fulumalie.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Esekiele 5:5

Koia e folafola ai le Aliki, le Eteleno : Ko lena le Selusalemi leia na kau aga o fakatuu i loto malie o atu puleaga, mo fenua ala e takatakai ia a ia.

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 4:9

Pelesatesale, pule o le kau fai nea fakatalatupua, e kau iloa e ke nofo mo le laumalie o atua maokioki, ti e leaise faigataa se nea fakapulipuli kiate koe, fakamatala mai kiate au le uiga o nea ala na kau tio ki ai i laku moe miti.

Oseo 8:12

E kau pakia i le tosi o fakatotonu fuli o laku lao kiate ia, E leaise tokaga fua a ia ki se nea e tasi.

Malakia 3:12

E pati loa a puleaga fuli kia koutou, manuia, Talie e kotou liliu loa ko se fenua o nea malilie, E pati le Eteleno o kau tau.

Tetelonome 29:9

Koia ke kotou tausi loa a folafola o le sai leinei ti ke kotou fai loa latou, o tupu ke kotou malo i nea fuli ala e kotou fai loa.

Tetelonome 32:46

Na pati loa a ia kia latou : ke kotou too fakamalotoloto a folafola fuli anei e kau fakapapau atu kia koutou i le aso nei, ti ke kotou fakatotonu latou ki okoutou fanau, o tupu ke lotou tausi latou mo fai latou.

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.

Sakopo 3:13

Ko ai leia e poto mo atamai ia koutou ? Ke fakamaoki e ia a ia ki le malie o lana aga, ti mo ni gaoi ala e fai i le agamalu mo le poto.