Tetelonome 4:40 - Tosi Tapu

⁴⁰ Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 4:40 Iomraidhean Croise

Pesalemo 105:45

O tupu ke lotou tausi ana fakatotonu Ti ke lotou fai ana lao. Kotou fakafetai ki le Eteleno !

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Ekesote 23:26

E leaise maua loa i lou fenua se fafine leia e fakavilo ia lona tinae, pe ko se fafine leia e paa. E kau fakatologa loa okoutou mauli.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Esaia 65:20

E leaise toe maua loa i ai se toe pe ko se matua Ala e leaise kaku ki le katoa o latou aso ; Talie ko leia e mate loa i lona fetuu kau lelau e tupulaga loa, Ti ko le tagata agasala leia e fetuu kau lelau e malaia loa.

Selemia 11:4

Leia na kau tuku ki okoutou tamana, I le aso leia na kau fakamavae ai latou mei le fenua o Esipito, Mei le gutuumu ukamea kaka, o pati : Kotou fakalogo ki loku leo, ti kotou fai a nea fuli ala e kau fakatotonu atu loa kia koutou ; Ti e kotou liliu loa ko loku kakai, Ti e kau liliu loa ko lokoutou Atua.

Selemia 35:18

Ti na pati loa Selemia ki le fale o le kau Lekape : E folafola le Eteleno o kau tau, le Atua o Iselaele : O tupu kua kotou fakalogo ki fakatotonu a Sonatape, lokoutou tamana, o tupu kua kotou tausi ana lao fuli, ti mo fai a nea fuli ala kua tuku atu e ia kia koutou ;

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Selemia 7:7

Ti e kau tuku loa koutou ke nonofo i le ganea leinei, I le fenua leia na kau tuku ki okoutou tamana, I tautupu ki tautupu.

Levitiko 22:31

Kotou tausi loa aku fakatotonu, ti kotou fai loa latou. Ko au ko le Eteleno.

Numelo 10:29

Na pati loa Moisese kia Opapi, vosa o Leuele, tagata o Matiane, tamana o le avaga o Moisese : E motou ano ki le fenua leia na pati ki ai le Eteleno : e kau soli loa a ia kia koutou. Au ke tou ano, ti e motou fai loa kiate koe se nea malie, talie kua fakapapau le Eteleno ke fai se nea malie ki Iselaele.

Soane 14:15

Kapau e kotou alofa kiate au, kotou fai aku fakatotonu.

Efeso 6:3

o tupu ke ke manuia mo mauli fualoa i le malama nei.

Tetelonome 11:9

ti ke kotou mauli fualoa loa i le fenua lena na fakapapau e le Eteleno ke soli ki okoutou tamana mo lolatou sakoga, fenua leia e sali ai le sua manu mo le meli.

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 12:28

Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 22:7

e ke tuku loa ke ano le tinana, kae e ke too loa a uviki, o tupu ke ke manuia mo ke mauli fualoa.

Tetelonome 25:15

E ke maua loa se kilo leia e totonu mo se efa leia e totonu, o tupu ke tologa ou aso i le fenua leia e soli atu loa kiate koe e le Eteleno, lou Atua.

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Tetelonome 4:6

Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !

Tetelonome 5:10

kae e fakasa ia lona manava alofa o kaku ki le afe o tautupu kia latou ala e alofa kiate au ti mo tausi aku folafola.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:18

Ke ke fai loa le nea leia e totonu mo le nea leia e malie ki mata o le Eteleno, o tupu ke ke manuia loa, ti mo ke ulu loa o maua tofiga le fenua malie leia na fakapapau e le Eteleno ki ou tamana ke soli atu kiate koe,

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.