Tetelonome 4:2 - Tosi Tapu

² E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Tetelonome 4:2 Iomraidhean Croise

Pesalemo 78:7

O tupu ke lotou tuku lalatou fanaki ki le Atua, Ke aua na lotou galoi a gaoiaga a le Atua, Ti ke lotou tausi ana folafola,

Taagapati 30:6

Aua na ke fakalasi ana folafola ki se nea, Talie na valoki e ia a koe, ti ke maua a koe e loi.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Selemia 26:2

E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Mateo 5:18

Talie e kau fakasa maoki atu kia koutou, e leaise puli loa le kele mo le lagi kae e leikiaise fakasoko a ga puani fuli ti mo ga matai tosi fuli o le lao.

Mateo 5:43

Kua kotou logo na fakasa : E ke alofa loa ki lou oloi ti e ke vesia loa ki lou fili.

Kalate 3:15

Fetaina, (e kau masau ofaipe tagata), ka fai e se tagata se fakapapau o mulimuli ki lekula totonu, logo ai e fai a ia e se tagata, kae leaise toe soloi a ia e se tasi, ti e leaise toe teki e se tasi se nea ki ai.

Tetelonome 1:3

I le kau fa fetuu mei le mavae mei Esipito, i le kau agafulu tupu tasi o masina, i le uluaki aso o le masina, na tuku loa e Moisese ki fanau a Iselaele a nea fuli ala na fakatotonu e le Eteleno ke fakasa kia latou.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 13:1

Kapau e malaga ake loa iate koe se polofeta pe ko se tagata fai kikite leia e fakasa ia kiate koe se fakamailoga pe ko se nea fakaofolele,

Tetelonome 33:4

Na tuku mai e Moisese kia matou le lao, Tofiga o fanau a Sakopo !

Tetelonome 4:14

I le temi lena, na fakatotonu mai loa e le Eteleno kiate au ke ako kia koutou ni lao mo ni fakatotonu, o tupu ke kotou fai latou i le fenua leia ka kotou too loa mo tofiga.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:32

Koia ke kotou tokaga ai o fai le nea leia na fakatotonu kia koutou e le Eteleno, lokoutou Atua. Ke aua na kotou maliu loa ki le fetuu atamai pe ko le fetuu sema.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.