Tetelonome 4:10 - Tosi Tapu

¹⁰ Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 4:10 Iomraidhean Croise

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Pesalemo 145:4

Ke fakafetai a tautupu fuli ki au gaoi, Ti ke lotou fakasa au gaoi lalasi !

Ekesote 19:1

I le tolu o masina ki lolatou mavae mei le fenua o Esipito, na kaku loa fanau a Iselaele i le aso lena ki le toafa o Sinai.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:16

I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 20:20

Na pati loa Moisese ki le kakai : Aua na kotou i ; talie na au le Atua kia koutou, o asiasii koutou, o tupu ke kotou maua le i kiate ia, ti ke aua na kotou agasala.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Esaia 38:19

Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Tetelonome 11:19

Ke kotou ako loa latou ki akoutou fanau, ti ke kotou masaui loa latou mo ka ke nofo loa i lou fale, mo ka ke moe loa ti mo ka ke ala ake loa i lau moe.

Tetelonome 12:1

Ko nei a lekula mo lao ala e kotou tausi loa ti mo fai loa i le fenua leia e soli kia koutou e le Eteleno, le Atua o okoutou tamana, ke kotou maua tofiga.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 17:19

E tonu loa ke nofo tuumau a ia mo le tosi lena, ti ke lau loa e ia a ia i aso fuli o lona mauli, o tupu ke ako e ia le fakaapaapa ki le Eteleno, lona Atua, ke tausi e ia a folafola fuli o le lao lena, ti ke fai e ia o mulimuli ki ona lekula fuli.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 5:2

Na fai e le Eteleno, lotatou Atua, se fakapapau mo tatou i Olepe.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Apokalipisi 19:5

Ti na mavae loa se leo mei le ekeekeaga fakasau, o pati : Kotou fakavikiviki ki lotatou Atua, koutou fuli ko ana tagata fakasausau, koutou fuli ala e i kiate ia, liliki mo lalasi !

Uluaki tosi a Samuele 12:24

Ke kotou i ki le Eteleno, mo kotou tausi agatonu kiate ia i lokoutou loto katoa ; talie kua kotou tio ki lona mafimafi i loto malie o koutou.