Tetelonome 4:1 - Tosi Tapu

¹ I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:1 Iomraidhean Croise

Pesalemo 105:45

O tupu ke lotou tausi ana fakatotonu Ti ke lotou fai ana lao. Kotou fakafetai ki le Eteleno !

Pesalemo 119:4

Na ke tuku au fakatotonu, Ke tokaga o tausi latou.

Ekesote 18:20

Ako e koe kia latou a fakatotonu mo lao ; ti fakasa e koe kia latou le ala leia e tonu ke lotou saele ai, mo le nea leia e tonu ke lotou fai.

Selemia 11:6

Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Esekiele 20:11

Ti na kau soli loa kia latou aku lao ti na kau fakasasa loa kia latou aku fakatotonu, ala e tonu ke fai e le tagata, o tupu ke mauli ai.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Esekiele 37:24

E liliu loa laku tagata fakasausau ko Tavite ko lolatou sau, ti e lotou maua fuli loa se tagata tausi ovi e tasi. E lotou mulimuli loa ki aku fakatotonu, ti e lotou tausi loa aku lao ti mo fai loa latou.

Levitiko 18:5

Kotou tausi loa aku lao mo aku fakatotonu : ko le tagata leia e fai ia loa latou e mauli loa ia latou. Ko au ko le Eteleno.

Levitiko 19:19

Kotou tausi loa aku lao : Aua na ke fakaavaga loa ni manu o ni faasiga kesekese e lua. Aua na kotou to loa akoutou faisaga ki ni faasiga pulapula e lua. Aua na kotou tui loa ni kofu ki ni faasiga filo e lua.

Levitiko 19:37

Kotou tausi loa aku lao fuli mo aku fakatotonu fuli, ti kotou fai loa latou. Ko au ko le Eteleno.

Levitiko 20:8

Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Levitiko 22:31

Kotou tausi loa aku fakatotonu, ti kotou fai loa latou. Ko au ko le Eteleno.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Loma 10:5

Koia na fakasa ai e Moisese le faitotonu leia e au mei le lao : Ko le tagata leia e fai ia a nea ana, e mauli loa ia latou.

Tetelonome 1:3

I le kau fa fetuu mei le mavae mei Esipito, i le kau agafulu tupu tasi o masina, i le uluaki aso o le masina, na tuku loa e Moisese ki fanau a Iselaele a nea fuli ala na fakatotonu e le Eteleno ke fakasa kia latou.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 11:32

Ke kotou tausi ti ke kotou fai a lao mo folafola fuli ala e kau soli kia koutou i le aso nei.

Tetelonome 13:1

Kapau e malaga ake loa iate koe se polofeta pe ko se tagata fai kikite leia e fakasa ia kiate koe se fakamailoga pe ko se nea fakaofolele,

Tetelonome 16:20

Kae e ke mulimuli loa ki le faitotonu, o tupu ke ke mauli loa ti mo ke maua tofiga loa le fenua leia e soli loa kiate koe e le Eteleno, lou Atua.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 30:19

E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 4:45

Ko nei a fakamaoki, mo lekula, mo fakatotonu ala na fakasa e Moisese ki fanau a Iselaele, i le oki o le mavae mei Esipito.

Tetelonome 4:8

Ti ko ai le puleaga lasi leia e maua ia ni lao mo ni lekula faitotonu, o tatau mo le lao katoa leinei e kau tuku atu kia koutou i le aso nei ?

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:24

Na fakatotonu loa e le Eteleno kia matou ke motou fai a lao mo lekula fuli ana, ti ke motou i ki le Eteleno, lomatou Atua, o tupu ke motou manuia tuumau, ti ke tausi e ia omatou mauli, ofaipe lana fai i le aso nei.

Tetelonome 7:11

Koia ke ke tausi ai loa a folafola, mo lao, mo lekula ala e kau soli kiate koe i le aso nei, o fai latou.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.

Tetelonome 8:11

Ke ke tokaga ai na galo loa iate koe le Eteleno, lou Atua, o ke tiaki loa ana folafola, mo ana fakatotonu, mo ana lao, ala e kau tuku kiate koe i le aso nei.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Sosue 3:9

Na pati loa Sosue ki fanau a Iselaele : Ke kotou fakafeofi mai ki leinei ti ke kotou fakalogo ki folafola a le Eteleno, lokoutou Atua.