Tetelonome 32:30 - Tosi Tapu

³⁰ Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?

Tetelonome 32:30 Iomraidhean Croise

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Lua tosi o Sau 7:5

Na lotou ano loa i le afiafi ki le nofolaga tau o le kau Silia ; I le temi na lotou kaku ai loa ki le uluaga o le nofoaga o le kau Silia, ko leinei, na leaise se fa toka tasi i ai.

Uluaki tosi o Koloniko 12:14

Ko vosa latou o Kate, ko le pule o le solia ; na mafai e leia na ikiiki oki ia latou ke taui e ia toka tasi ni tagata e tino lelau, ti na mafai e leia e lasi oki ia latou ke taui e ia toka tasi le tino afe.

Lua tosi o Koloniko 24:24

Na lavaki fua le solia a le kau Silia ; kae logo ai lolatou lavaki, na tuku loa e le Eteleno ki olatou lima se solia toka api ai, o tupu na lotou tiaki le Eteleno, le Atua o olatou tamana. Ti na fakasoko loa e le kau Silia le fakamaaui a le Atua kia Soasi.

Sopo 11:10

Kapau e too e ia se tasi i lana fakalaka, o ave ki lana fakamaauaga, Ko ai loa e fakafesagai kiate ia ?

Sopo 16:11

Kua tuku au e le Atua ke faitalisa ki ai le kau agasala, Ti kua ti e ia au ki lima o le kau agaveli.

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Pesalemo 44:12

E ke tuku matou kia latou ofaipe ni ovi kua filifili ke tamate ; E ke veteki matou i atu puleaga.

Esaia 30:17

E sola loa se tino afe i le fakaii a se fa toka tasi, Ti e kotou fesolaki loa i le fakaii a se toka lima, O kaku ki lokotou nonofo taki toka tasi Ofaipe se fakamailoga i le tumutumu o le mauga, Ofaipe se manumanu i le tumutumu o le mauga ikiiki.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 52:3

Talie ko leinei le folafola a le Eteleno : Na fakatau noa koutou, Ti e leaise toe totogi loa koutou ki se paaga.

Levitiko 26:7

E kotou kapu loa okoutou fili, ti e lotou mamate loa i le seleta i okoutou mua.

Levitiko 26:8

E kapu loa e se toka lima o koutou le tino lelau o le fili, ti e kapu loa e le tino lelau o koutou a tino afe e tino agafulu, ti e mamate loa okoutou fili i le seleta i okoutou mua.

Mateo 18:25

Na leaise maua e ia se nea leia ke ui ai lona maua, ti na fakatotonu loa e lona pule ke fakatau a ia, mo lona avaga, mo ana fanau, mo nea fuli ala na maua e ia, ke ui ai le maua.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Sosue 23:10

Na kapu e le fa toka tasi o koutou ni fili e tino afe, talie na tau loa le Eteleno, lokoutou Atua o tupu ko koutou, o fai ki lana folafola.

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 3:8

Na malaga loa le ita o le Eteleno ki Iselaele, ti na fakatau loa e ia latou ki lima o Kusani-Liseataimi, sau o Mesopotamia. Na popula loa fanau a Iselaele, na lotou popula loa kia Kusani-Liseataimi i le lolotoga o fetuu e valu.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.