Tetelonome 32:3 - Tosi Tapu

³ Talie e kau fakasa loa le suafa o le Eteleno. Ke fakavikiviki ki lotatou Atua !

Tetelonome 32:3 Iomraidhean Croise

Uluaki tosi o Koloniko 17:19

Ei Eteleno ! E tupu ko lou alofa ki lau tagata fakasausau, ti mo lou finegalo malie, kua ke fai ai a nea fuli ana ke fakasa latou kiate ia.

Uluaki tosi o Koloniko 29:10

Na fakafetai loa Tavite ki le Eteleno i mua o le fakatasiga katoa. Na pati loa a ia : Fakafetai kiate koe, Eteleno, Atua o lomatou tamana ko Iselaele, o lee gato mo lee gato.

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Uluaki tosi o Koloniko 29:13

I le lakaga nei, ei lomatou Atua, e motou fakafetai kiate koe, ti e motou fakavikiviki ki lou suafa fakakololia.

Pesalemo 150:2

Kotou fakafetai kiate ia i ana gaoi lalasi ! Kotou fakafetai kiate ia o mulimuli ki le lasi o lona mafimafi !

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Tetelonome 3:24

Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 5:24

ti na kotou pati loa : Ko leinei kua fakatio matou e le Eteleno, lomatou Atua, ki lona kololia mo lona lasi, ti kua motou logo ki lona leo mei loto malie o le afi. I le aso nei, kua motou tio na masau le Atua ki le tagata, ti na lotou mauli.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !