Tetelonome 32:22 - Tosi Tapu

²² Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Tetelonome 32:22 Iomraidhean Croise

Pesalemo 144:5

Eteleno, tuku ki lalo lou atu lagi, ti ke ifo mai ! Fafa ki mauga, ti ke lotou kokofu !

Pesalemo 21:9

E tapo loa e lou lima ou fili fuli, E tapo loa e lou lima atamai latou ala e vesia kiate koe.

Pesalemo 46:2

Ko le Atua ko se ulufaga mo se fanakiaga kia tatou, Ko se tokoi leia e leaise toe puli i le temi o le mamae.

Pesalemo 83:14

Loku Atua ! Fakaliliu latou o tatau mo le sasataki, mo le mutie malo, leia e ave e le matagi,

Pesalemo 86:13

Talie e lasi ai lou agamalie kiate au, Ti kua ke saofaki loku laumalie mei le nofoaga loloto o le kau mate.

Pesalemo 97:3

E saele le afi i ona mua, Ti e tutu e ia ona fili i ona tafatafa.

Esaia 24:6

Koia kua kai le fenua e le malaia, Ti kua amo e lona kakai le tua o alatou agasala ; Koia e mamate ai a kakai o le fenua, Kae toe fua se ga toka teiki.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Selemia 15:14

E kau tuku a koe ke ano mo lou fili ki se fenua leia e leaise ke iloa, Talie kua mu le afi o loku sausau, Kua ula a ia kia koutou.

Selemia 17:4

E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Tagi laulau a Selemia 2:3

I lona sausau lasi, na peesi e ia ki le kele le makeke katoa o Iselaele ; Na too e ia lona lima atamai i mua o le fili ; Na tutu e ia i loto o Sakopo ni afi kaka, ala e kai i potu fuli.

Tagi laulau a Selemia 2:4

Na toso e ia lana kalolo ofaipe ki se fili ; Na siki lona lima atamai ki aluga ofaipe le lima o le fili ; Na tamate e ia a nea fuli e fulumalie ki le mata ; Na liligi e ia lona sausau ofaipe se afi ki le falela o le taine o Sione.

Tagi laulau a Selemia 4:11

Kua fakakatoa e le Eteleno lona sausau, Kua liligi e ia lona sausau lasi ; Kua tafu e ia i Sione se afi, Leia e kai ia ona fakatafito.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Esekiele 22:21

E kau tanaki loa koutou, ti e kau pupusi loa kia koutou le afi o loku sausau, ti e kotou susua loa pe se vai i loto o Selusalemi.

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Numelo 16:33

Na lotou ifo mauli loa ki le fenua o le kau mate, latou mo alatou nea fuli. Na toe mapono loa le kele i aluga o latou, ti na lotou puli loa i loto malie o le fakatasi.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 18:9

Ti kapau e fakasala kiate koe lou mata, kapei a ia o ti fakamamao meiate koe ; e malie ake lau ulu ki le mauli mo se fa mata e tasi, i lau maua a fa mata e lua kae ti a koe ki le afi o Ifeli.

Mateo 23:33

Kau gata, lanu o gata velo, e feaki loa lakotou sao mei le tua o Ifeli ?

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 12:29

talie ko lotatou Atua ko se afi maumau foki a ia.