Tetelonome 3:28 - Tosi Tapu

²⁸ Tuku au fakatotonu kia Sosue, ti ke tokoi kiate ia, ti ke fakamakeke lona loto ; talie ko ia leia e fakalaka loa i mua o le kakai lena i le Solotane, ti ko ia leia e tuku ia loa ki fanau a Iselaele le fenua lena kua ke tio ki ai mei mamao.

Tetelonome 3:28 Iomraidhean Croise

Uluaki tosi o Koloniko 22:6

Na kalagai loa e Tavite lona vosa ko Salomone, ti na fakatotonu loa e ia kiate ia ke laga se fale ki le Eteleno, le Atua o Iselaele.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Gaoi 7:45

I le oki o lalatou fau le falela, na fakaulu loa a ia e otatou tamana, i le taki a Sosue, ki le fenua leia na lotou maua mei puleaga ala na kapu e le Atua i olatou mua, ti na nofo ai loa a ia o kaku mai ki aso o Tavite.

Tetelonome 1:37

Na sausaua foki le Eteleno kiate au, o tupu ko koutou, ti na pati loa a ia : Ko koe foki, e leaise ke ulu loa ki le fenua.

Tetelonome 1:38

Kae ko Sosue, vosa o Nune, leia e fakasausau kiate koe, e ulu loa ki le fenua. Fakamakekei a ia, talie ko ia leia e fakaulu ia loa Iselaele ki le fenua leia ko lona tofiga.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 31:3

E saele loa le Eteleno, lou Atua, i ou mua, ti e maumaui loa e ia a puleaga ana i ou mua, ti e ke too loa lolatou fenua meia latou. E fakalaka loa Sosue i ou mua, o mulimuli ki le pati a le Eteleno.

Tetelonome 31:7

Na kalagai loa e Moisese a Sosue, o pati kiate ia i mua o Iselaele katoa : Ke ke fakamakeke ti ke ke loto makeke, talie e ke ulu loa mo le kakai leinei ki le fenua leia na fakapapau e le Eteleno ki olatou tamana ke tuku kia latou, ti ko koe leia e tufa ia loa kia latou olatou tofiga.

Epelo 4:8

Talie, kapau na soli e Sosue le maloloaga lena kia latou, na leaise toe masau loa le Atua i muli mai ki se tasi ake a aso.

Sosue 1:2

Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.