Tetelonome 28:4 - Tosi Tapu

⁴ E tapuakina loa le fua o lou manava, mo le fua o lou kele, mo le fua o lau kau manu, ti e lasi loa lau kau pipi, mo lau kau ovi, mo lau kau koti.

Tetelonome 28:4 Iomraidhean Croise

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 39:5

Talu mei le aso leia na fakanofo ai a ia e Potifale ke pule ki lona fale mo ana nea fuli, na tapuaki loa le Eteleno ki le fale o le tagata Esipito, o tupu ko Sosefo. Ti na ifo loa le tapuakina a le Eteleno ki ana nea fuli, i lona loto fale, ti mo ona faisaga.

Senesi 49:25

Ko le gaoi a ia a le Atua o lou tamana, leia e tokoi loa kiate koe ; Ko le gaoi a ia a le Mafimafi, leia e tapuaki loa kiate koe, Ki tapuakina o le lagi i aluga, Ki tapuakina o le vai i lalo, Ki tapuakina o u mo manava o fafine.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Pesalemo 128:3

E fai lau avaga pe se vite fua I lou loto fale ; E fai ou vosa pe ni uli o le olive I le takatakai o lou laupapa kai.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 20:7

E saele le tagata agatonu i lona faitotonu ; Manuia ana fanau i ona muli !

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Tetelonome 28:11

E fakaapele loa a koe e le Eteleno ki nea malilie, o fakaliuliuga a fua o lou manava, mo fua o au kau manu, mo fua o lou kele, i le fenua leia na fakapapau e le Eteleno ki ou tamana ke soli atu kiate koe.

Tetelonome 28:18

E malaia loa le fua o lou manava, mo le fua o lou kele, mo le fua o lau kau pipi, mo lau kau ovi, mo lau kau koti.

Tetelonome 28:3

E ke tapuakina loa i le kolo, ti e ke tapuakina loa i le faisaga.

Tetelonome 28:5

E tapuakina loa lau polapola mo lau kumete lusi falina.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.