Tetelonome 27:3 - Tosi Tapu

³ E ke tosi loa i fatu ana a folafola fuli o le lao leinei, mo ka ke ulu loa ki le fenua leia e soli atu loa kiate koe e le Eteleno, lou Atua, fenua leia e sali ai le sua manu mo le meli, o fai ki le pati atu kiate koe e le Eteleno, le Atua o ou tamana.

Tetelonome 27:3 Iomraidhean Croise

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Selemia 32:22

Na ke soli kia latou le fenua leinei, Leia na ke fakapapau ki olatou tamana ke soli kia latou, Fenua leia e sali ai le sua u mo le meli.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Numelo 13:27

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Numelo 14:8

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Tetelonome 26:9

Na aumai loa e ia matou ki le ganea leinei, ti na soli mai loa e ia kia matou le fenua leinei, fenua leia e sali ai le sua manu mo le meli.

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Tetelonome 6:8

Ke ke nonoa loa latou ki ou lima ofaipe se fakamailoga, ti ke lotou fai loa pe se palaa i lou lae.

Epelo 10:16

Ko leinei le sai leia e kau fai loa mo latou, Ka sili aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou laumalie, na toe soko atu a ia :

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.

Sosue 8:32

Ti na tosi loa e Sosue i le ganea lena ki ni fatu se tasi a tosi o le lao leia na tosi e Moisese, i mua o fanau a Iselaele.