Tetelonome 27:12 - Tosi Tapu

¹² Ka kotou fakalaka loa i le Solotane, e tuu loa Simeone, mo Levi, mo Suta, mo Isakale, mo Sosefo, mo Pesamino, i aluga o le mauga ko Kalisimi o tapuaki ki le kakai ;

Tetelonome 27:12 Iomraidhean Croise

Senesi 30:18

Na pati loa a Lea : Kua soli e le Atua kiate au loku totogi talie na kau soli laku fafine fakasausau ki loku avaga. Ti na soli loa e ia le igoa ko Isakale ki lona tama.

Senesi 30:24

Ti na soli loa e ia le igoa ko Sosefo ki lona tama, o pati : Ke toe soli mai e le Atua kiate au se tasi a vosa !

Senesi 35:18

I le meimeiki ke mavae lona laumalie, talie kua lolotoga mate loa a ia, na soli loa e ia ki lona tama le igoa ko Pene-Oni (ko lona uiga : vosa o le mamae) ; kae na soli loa e le tamana ki le toe le igoa ko Pesamino, (ko lona uiga : vosa o loku lima atamai).

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Tetelonome 27:11

I le aso foki lena, na tuku loa e Moisese le fakatotonu leinei ki le kakai :

Tetelonome 27:13

kae tuu loa Lupeni, mo Kate, mo Asele, mo Sapulone, mo Tane, mo Nefetali, i aluga o le mauga ko Epale o tuku le malaia.

Tuifakamaau 9:7

Na fakasa loa le nea lena kia Sotame. Ti na ano loa a ia o tuu i le tumutumu o le mauga ko Kalisimi, o kalagai fakamakeke le nea leinei : Ke kotou fakalogo mai tagata o Siseme, mo kapau e kotou loto ke fakalogo atu le Atua kia koutou !