Tetelonome 27:10 - Tosi Tapu

¹⁰ E ke fakalogo loa ki le leo o le Eteleno, lou Atua, ti e ke fai loa ana folafola mo ana lao ala e kau tuku kiate koe i le aso nei.

Tetelonome 27:10 Iomraidhean Croise

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 26:17

I le aso nei, na ke maua loa mei le Eteleno le fakapapau leia ke nofo a ia ko lou Atua, o tupu ke ke saele loa i ona ala, ti mo ke tausi loa ana lao, mo ana folafola, mo ana lekula, ti mo ke fakalogo loa ki lona leo.

Tetelonome 26:18

I le aso nei, na maua loa e le Eteleno meiate koe le fakapapau leia ke ke nofo loa ko lona kakai, leia e mauiga kese loa kiate ia, o fai ki lana pati kiate koe, ti mo ke tausi loa ana folafola fuli,

Tetelonome 27:11

I le aso foki lena, na tuku loa e Moisese le fakatotonu leinei ki le kakai :

Tetelonome 27:9

Na masau loa Moisese mo le kau Levi faisakilifisio mo Iselaele katoa, o pati : Iselaele, ke ke fakalologo o fakalogo mai ! I le aso nei kua ke liliu ko le kakai a le Eteleno, lou Atua.