Tetelonome 26:8 - Tosi Tapu

⁸ Ti na fakamavae loa e ia matou mei Esipito, ki lona lima makeke mo lona lima falo, ki ni milakulo mo ni nea fakaofolele.

Tetelonome 26:8 Iomraidhean Croise

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 12:51

I le aso totonu lena, na fakamavae ai loa e le Eteleno i le fenua o Esipito a fanau a Iselaele, o mulimuli ki alatou kau tau.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Selemia 32:21

Na ke fakamavae lou kakai ko Iselaele, mei le fenua ko Esipito, I ni milakulo ti mo ni nea fakamanamana, ki lou lima makeke ti mo lou lima falo.

Tetelonome 34:11

E leaise feala ke fakatatau se tasi mo ia i fakamailoga fuli mo milakulo fuli ala na kakau a ia e le Eteleno ke ano o fai i le fenua o Esipito kia Falaone, mo ana tagata fakasausau, mo lona fenua katoa,

Tetelonome 34:12

mo gaoi fakaii fuli ala na fai e Moisese i mata o fanau fuli a Iselaele.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.