Tetelonome 26:6 - Tosi Tapu

⁶ Na fakavelivelii loa matou e le kau Esipito, Na lotou tautea loa matou, ti na lotou teki loa kia matou se gaoi popula mamafa.

Tetelonome 26:6 Iomraidhean Croise

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Ekesote 1:16

Na pati loa a ia kia laua : Ka kolua fakafanaui loa a fafine o le kau Epeleo, ti kapau e kolua tio loa i le vilo ake o le toe, ko se toe tagata, ti kolua tamate a ia, kae kapau ko se toe fafine, ti kolua tuku a ia ke mauli.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 1:8

Na malaga ake loa i Esipito se sau foou, leia na leaise iloa ia Sosefo.

Ekesote 5:19

Na tio loa le kau pule gaoi o fanau a Iselaele kua fakavelivelii latou, i le pati : E leaise kotou too loa se nea fua e tasi i akoutou piliki ; e leaise fetogi loa le gaoi o le aso.

Ekesote 5:23

E talu laku ano kia Falaone o masau i lou suafa, mo lana fakavelivelii le kakai leinei, ti na leaise ke saofaki fua lou kakai.

Ekesote 5:9

Ke fakalasi ni gaoi ki le kakai lena, ke lotou visia ai, ti e leaise lotou toe tokaga loa ki ni masau noa.

Numelo 20:15

Na ifo omatou tamana ki Esipito, ti na motou nonofo i ai o fualoa. Kae na fakavelivelii matou e le kau Esipito ti mo omatou tamana.

Tetelonome 26:7

Na motou kalaga loa ki le Eteleno, le Atua o omatou tamana. Na logo loa le Eteleno ki omatou leo ti na tio loa a ia ki lomatou fakavelivelii, mo lomatou pakia, mo lomatou fakaaloalofa.

Tetelonome 4:20

Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.